今日成日返學都等緊放學個個盆菜會係點既樣

終於經過左好多堂之後等到放學啦,點知仲係未有得食=.=

打左陣波之後比鄧sir叫左去同佢拎d盆菜[又有機會坐鄧sir架車],等埋曾sir就去坐車拎野啦,係等鄧sir拎車個時,曾sir係到搞埋d爛gag,

好難頂,跟住就去左廣田間大家樂拎野啦,d盆菜分兩種,一種500幾大既一種300幾細既,睇到之後緊係問下食邊種啦,問完我覺得鄧sir對

我地好好人,曾sir個邊d人得一個大2個細,我地就食3個大既,我地30人每人夾40蚊,不過就食差唔多1700蚊野,唔夠個d都係鄧sir

用自已錢貼

返到去第一件事緊係食野啦,一打開個盆菜有D鮑魚仔又有D鵝仲有好多野[冇影到相=.=],不過對我地黎講個盆菜都係細左D,話咁快就食

到得返D汁,鄧sir見到咁就問我地飽唔飽啦,咁我地意為佢係咁2問下就答唔夠飽啦,點知佢話請我地食多個麥記飽,超好人!!

咁食飽就緊係玩嫁啦,鄧sir佢第一個上左台唱IQ博士,唱到好鬼搞笑

玩左陣就坐係到講下今年感受,又係鄧sir上台先,講講下係到讚人,不過都估到佢會咁,但係估唔到佢第一個就讚我,話我大個左,無以前咁

低能仲有其他,跟住佢又講下佢細個係點,聽我到我眼濕濕,跟住就汁埋D野,一齊嗌左聲新年快樂就散左水。