朝早約左傻豬食早餐，８：１５係樓下到等

佢遲左１０分鐘，不過算啦，佢講得０岩，約係朝早佢會唔準時

但係夜晚佢會早到ｔｉｍ

之後去左食早餐，食完佢去禁錢，但係我窮啊，銀行得返＄１３１，費事禁出黎啊，多個一百都唔知做得ｄ咩。

咁我地就返左學校，我就返返自己個組先，齊人車又黎到，一齊搭車車走人，去迪士尼進發。

半個鐘左右就到，真係快，之後大慈善家校長幫我到買入場卷。好快就入左去啦，但係第一下感覺冇咩野，淨係覺得離屋企好遠咁，之後我地周圍去玩，首先影下相，係飛越太空山到拎左快證，之後玩架飛船可以上下移動既機動遊戲，再黎就係去睇精品同影相。之後拎打"索克天王"既遊戲快證，玩完飛越太空山，一個字"正"。食野，食完野玩打索克，我得２３萬幾炸＞．＜

打完就去左幻想世界，同隊友失散左，只好影相，影完相一齊再去睇３Ｄ立體唐老鴨表演。好迫真嫁，有水、香味、風。

睇完再去探險世界坐船，之後準備去睇獅子王，好耐，好耐。睇完之後散左一陣，我尋覓返童年光境，玩旋轉木馬，之後又會合，一齊去睇飄雪既亮燈儀式，有容袓兒啊，可惜唔可以問佢拎簽名（如果ｄ雪再逼真就好啦）

準備睇煙花，但重有好多時間，我重未買精品比自己，所以我返轉頭，但最唔開心係拖埋家姐彤彤一齊去，搞到我地之後分左三批睇煙花，真係有ｄ過意唔去，我睇煙花時右面係一家三口，前、後、左都係情侶，前面個對就全程攬住，左面個對就係完左個陣攬得勁肉緊，好似就黎死咁（生離死別）後面因為我冇後眼，所以睇唔到。

之後睇完煙花就緊係走，回程，回程個陣我先覺得玩得最無驅無束，真係開心，但係返到黎我冇晒＄＄啦＞．＜

對唔住啊傻豬買唔到精品比你，因為我冇＄＄啊ｓｏｒ