順其自然
好累 . . . . 我好累 . . . . .
我的心好累 . . 身體好累

壓力令人 胡思亂想
搞得我
想睡覺卻睡不著覺

我真的 好.累 . . .
    好 . . . 累 . . . .
CPW
暱稱: casper
性別: 男
國家: 香港
« August 2017 »
SMTWTFS
12345
6789101112
13141516171819
20212223242526
2728293031
最新文章
想喊
放假
十年前
失約
最心痛是...
文章分類
全部 (171)
訪客留言
f0fnz9d6qip6... (oagdqoso)
8x3lyegmzh5s... (lziirtus)
8y30lsiujddj... (kiwjpzei)
avs7q1hws35y... (btqfyifa)
bi1ub95o0bnt... (Donnziple)
每月文章
日誌訂閱
尚未訂閱任何日誌
好友名單
尚無任何好友
網站連結
尚無任何連結
最近訪客
最近沒有訪客
日誌統計
文章總數: 171
留言總數: 36
今日人氣: 4
累積人氣: 7870
站內搜尋
RSS 訂閱
RSS Feed
2006 年 6 月 28 日  星期三   晴天


大計 分類: 未分類

今日2:幾比啊媽嘈醒

眼見時間尚早咪訓多陣囉

點知一訓就訓多左兩個幾鐘

之後睇陣電視再玩電腦

啊媽唔駛返工

有人煮飯

之後係到搵工,不過淨係想做d七月既工

因為要實行文哥既大計

之後咪睇電視

之後同姿姿傾電話

傾到2:囉之後

真係好開心嫁同佢一齊

我知佢對我越黎越好

我都會對佢好d嫁啦

ps:娘親係到真係開心,佢係到蝦我,搞笑,之後姿都覺得我同啊媽感情好,你話啊

如果姿都係同我一齊住,你話幾好啊



2006 年 6 月 27 日  星期二   落雪


分類: 未分類

今日有1號戒備信號喎

我今日11:幾就訓醒左啦

起身打陣機咪食野囉

點知食完之後即刻訓著左

好似落左安眠藥咁

之後訓到4:幾啊媽叫我今晚煮飯

之後比細妹玩電腦

我又訓多陣

訓到我細妹出門口

我就起身煮飯

一路煮一路煮,等到啊爸返到黎

之後煮完搞掂食得飯

食住先,唔得啊妹,之後佢話咁快返到黎啦,我就同姿姿傾電話

我細妹食完飯食左藥累左d訓著左教

我同姿姿傾電話傾到好似2:幾

以我有同文記傾計嫁

傾一個月後既大計

叫埋黃嘉浩好唔好呢^^

之後6:訓教



2006 年 6 月 26 日  星期一   晴天


derek生日 分類: 未分類

食緊早餐個陣打電話約黃嘉浩去唱k,之後食完我同文記返上去,過左一陣叫醒佢地兩個

佢地兩個走左,諗住可以訓陣,結果都係冇訓,係到同文記傾計,之後啊嫂到左

佢地出去neway先,我去拎錢,之後去到齊晒人,唱左個一陣,就話要走啦

走個陣見到出面鬼死咁多人,之後黃嘉浩走左,佢要去考oral,之後陪我地既偶像啊文哥去剪頭髮

之後去搵derek,好開心,derek係到教我地玩手指

之後係到玩踩雞腳,估唔到我係第1個輸左,係文記踩死左我,之後佢抵死啊

比derek踩死左,之後淨返朗朗同derek,朗朗跳左入草地derek跟住去,之後derek跣親,佢最後都係踩到朗朗

搞到朗朗污糟左,之後係到玩圍枚,朗朗幾有心學玩十五二十啊,之後花生打黎求救,咪去搵佢,點知打比佢

又冇人聽,之後又搞掂左,之後derek佢地話買雪糕,我唔食既原因係因為我唔係好肚餓,而且我知自己肥左

之後咪去買野囉,有d亂,我都知既,下次我應該幫手睇清楚點樣買野,之後飛的去文記到

去到之後佢訓左一陣,我就係到幫佢看屋,玩到咁上下開枱,之後女丘都黎埋,佢同derek唔知點解好襯啊今日

夾埋朗朗,成個小家庭咁,爸爸媽媽加個仔^^

之後打到咁上下切蛋糕,我同女丘傾計,之後女丘送derek一支細紅酒,derek飲完之後好紅塊面

成班人一齊去老地,derek返屋企擺低d野先,之後再落黎,朗朗就返屋企拎野,之後我地坐係到傾計

女丘有諗過幫我搞生日,有心,之後derek到左,係到玩,大白鯊,之後係到玩殺手,快樂真係不知時日過

話咁快derek就話要走,之後其他人都走,得返我、女丘、文記,係到等豪哥

文記係到訓著左,之後我係到玩下PSP,屋企打黎,都冇心情打,我應承左佢今晚一定會返屋企訓

之後啊嫂返到黎,豪哥都到埋,咪走囉,去文記屋企,之後又有個f2冇車返屋企,咪去文記到囉

其實我都想打麻雀嫁,不過又要返屋企,所以送左啊嫂返屋企,之後我都返左屋企啦

之後好累好累,2:就訓著左啦



2006 年 6 月 25 日  星期日   晴天


bad 感動 分類: 未分類

今日我4:先起身

尋晚又同文記傾通頂

5:幾先訓

我今日睇唔到百分百感覺啊

不過冇嘜可惜既

一起身就玩電腦

從來都冇諗過做d有意義既事

例如;做下義工啊,我好耐都冇做過啦

e+成日都係做埋晒d唔係打麻雀就係唱k,唔係唱k就係係屋企打機

之後到啊姿傾電話,之後我啊爸買左d啤酒同埋燒鴨,我可能太耐冇飲啦

一飲就飲三罐,話咁好就貓貓地(扮野姐)

之後又有人話飲酒,叫埋啊姿去,癡線嫁,冇病啊佢

之後我又叫外賣,之後啊姿佢又食飯,咁咪收左線囉,點知我可能太耐冇傾酒啦,所以訓著左

訓到11:幾12:前起左身,sd信訊比derek同佢講生日快樂

之後同derek、鄧焯豪、文記傾電話,一路傾電話,一邊同丘筠sd信訊,同吳悅係msn傾計

傾到2:幾,收左線,之後3:個陣文記話花生又同男友有事,之後咪去左蝴蝶

4:幾5:搭的士去文記屋企過去,細檸同佢男友訓教,有成年冇見過細檸,佢變左啊

花生唔開心,訓唔著,好彩最後佢都自己解決左,之後同佢男友、文記、同埋佢落左建一食早餐



2006 年 6 月 24 日  星期六   晴天


derek 分類: 未分類

今日4:先起身,一起身就係咁食野,食左三個包啦,飲左包菊花茶,飲左杯水,之後玩左陣電腦

落左街買野,之後又食左兩件西餅,飲左杯水,又飲菊花茶,之後落街同derek食飯,佢尋日話今日請我食飯

之後有陳浚希同埋張智朗,啊文記話唔去炸麻,之後去左陳浚希屋企打牌,其實佢屋企人為人真係好好

佢家姐又搞笑,係咁問IQ題個d,有兩個我都聽過嫁^^,搞到我覺得自己好叻叻tim

之後返到屋企12:幾,今日細妹煮飯,咁難得,咪比下面食囉

之後我唔想浪費食物,咪食晒所有野囉

之後同佢傾電話,勁開心,因為佢尋日冇搵我,我驚啊

之後佢話佢個fd見到我同第二個女仔拖手,o咀

因為我最近好少出巿中,係新墟多,好似話我著住校服,衫都唔知去左邊

點著呢,又好似話我係學校,我好耐冇返啦,人有相似炸

希望佢會相信我冇做過d對佢唔住既事啦

因為我真係冇啊



2006 年 6 月 23 日  星期五   晴天


唱k 分類: 未分類

今日點解要唱k

係因為文記尋晚打電話比我

之後傾下傾下就即興話聽日唱k

即係今日

之後我就11:04去到

黃嘉浩就11:34到

啊文記拖住條女啦喎

就11:36左右先到

比黃嘉浩遲個幾分鐘蒲頭囉

咁黃嘉浩就話出錯左,去左neway姐

但係文記就......唉

唔緊要,大家兄弟啊麻,等下冇妨

之後諗住開k房,不過要5個先開得,咁咪唯有同啊欣欣杯d fd同房囉

都ok既,我唔係怕羞,只不過係我唱k唔好聽,唔想係d唔熟既人面前唱姐

驚樣衰啊麻,雖然我係,之後話咁快就唱完真係好啊

之後提文記禁錢,有個女人喎,禁左錢拎走張卡唔要d錢喎,文記就叫停佢拎返d錢,其實比著我

可能會拎左佢d錢跑到去街尾睇下係唔係撇甩左佢,先打個電話同佢地會合

不過算啦,講下姐,比著我都做唔出啦,又唔係等錢駛到要做賊,多我係拎唔到出黎,不過省省地都夠駛既

雖然e+冇工返,想知點解就自己問我啦

之後去左7仔買野,我就打比啊媽,同佢講我要剪髮,而且我電話因為冇交電話費,所以cut左

之後剪完髮去左文記屋企,有我、佢條女(欣)、黃嘉浩,之後係到開枱打雀,教壞黃嘉浩,不過啊文記就見有d悶

之後咪改過為鋤dee囉,不知好玩幾多啊,拎麻雀黎做籌碼,黃嘉浩一開始係咁羸

之後就輸到爆廠重要差我20隻,快樂不知時日過,黃嘉浩話咁快就要走啦

但係文記都好攰啦,因為佢尋日冇訓,係到聽電台,今朝6:聽完佢都未肯訓,佢老婆上左佢屋企,佢今日遲到就大家諗下啦......

之後佢入佢啊媽房訓,因為佢啊媽出左街,之後佢條女又陪到佢訓為止,之後睇高朋滿座,睇完之後佢幫文開冷氣

又拎張被去陪佢訓,轉個頭半個鐘左右,文記都走埋出黎,不過佢條女就訓左,出黎既原因係因為電話響

原來係derek打黎,之後叫我打返比derek,原來derek想上黎,重有陳浚希同埋張智朗,之後咪叫佢地上黎囉

一個鐘之後佢地上到黎,又係開枱,之後打左一陣,文醒左,唔知係我地嘈定佢自己醒啊,佢嚇親陳浚希

之後佢帶埋條女又再嚇一次,之後文話打,我咪睇15/16囉,之後佢啊娘返左黎,叫話飲湯,我又有份

之後又有兩條無聊人黎左,係到呆到12:幾先出門口話食野,係green box食左少少野到e+

我頂得姐,但係啊嫂唔得啊麻,之後出發,諗住去廚房佬,點知冇位,之後去左美棋,係咁玩,係咁笑

derek同我講話佢禮拜一生日,咪幫佢諗下點樣慶祝,點搞囉



2006 年 6 月 12 日  星期一   陰天


其實都冇人黎睇嫁啦,不過我都係想記低姐 驚訝 分類: 未分類

尋晚家駒生日,同佢慶祝到5:幾

返到屋企訓到11:幾起身,之後睇左一陣睇視同Yes!

咪再玩多陣電腦就洗頭、換衫出街囉

出到巿中4:

係學校門口梗係見到好多人啦

不過都係等唔到g

之後見到佢d同學

話佢等埋fd先走

預左嫁啦

之後見到佢

我都係去左買衫

之後歸家

預左佢會打比我嫁啦,我知你心意

之後佢要比心機溫豬豬



2006 年 5 月 26 日  星期五   晴天


女丘生日 分類: 未分類

對唔住女丘

今日係女丘生日我都唔記得左

冇同佢慶祝到

可能因為發生左好多事,同豆豆個單野,搞到唔知點咁

而且手提又冇左,所以冇左女丘電話

對唔住啊女丘,我下年一定會比個驚喜你

唔會令你失望



2006 年 4 月 22 日  星期六   晴天


同老婆仔一齊左啦 分類: 未分類

今日可以算係我地正常一齊左啦,之前我地試過,不過都唔知點咁......

今日總算係我地正常一齊既日子啦,因為佢係親口答應左啊麻

我會永遠記住我地既開始嫁啦



2006 年 4 月 21 日  星期五   晴天


唱唱k 滿足 分類: 未分類

因為尋日冇買蛋糕比啊妹,今日補買,之後佢出去補課,我出去打波

之後返到黎沖個涼佢先返到黎,之後搵埋啊琪,一齊去新墟會合啊文哥同埋花生

之後唱kk,唉,花生鬼死咁早就走左,文哥話係佢提意嫁喎,早知好似啊琪咁講搵個地方坐係到飲下野,吹下水好過啦

文哥又係到訓教,我同啊琪係到唱,我又鬼死咁down,鬼咩,成日都諗起佢

唔可以話唔想諗既,不過諗黎都冇用啦,人地都唔諗我

之後送啊琪搭小巴,文哥請我搭的士,之後6:返到屋企,返到屋企好快咁沖完個涼上床訓,

點知訓黎訓去都訓唔著,係到諗佢,唉,真係......係到喊,失敗啊我

一d都唔成熟,我係有變到,變到更加鍾意佢囉,更加後悔囉。