約12點半  我12點先起...
唔緊要!!
呢班人都係唔興準時ge.. 
準時的人是無福的... ( by joey,sandy & sing ^^)

1點鐘去到荔景  見到Joey,Sandy,KK,輝同柴
原來小雁比我更遲  呵呵呵...

好少可坐旅遊巴唔訓著
一定係joey ge魅力比周公強勁la!!!

我地隨著果架登到屎忽痛ge旅遊巴..
攀過幾座山..越過幾個河
45mins車程  終於到達目的地la~

落車後..  2位先生已經暈到快要扒係度
好抱歉~ 我地冇咩照顧佢地ge感受   一人買左一頂洋溢住陽光氣息ge草帽..

幾經辛苦..  搵到d單車租..   踩去我地黎緊呢2日ge屋企
wa~~ 好多蚊a!!   龍淇追住d蚊黎殺..  強!!

安頓好d 行李之後   我地就出發去買野la  順路接埋小勝~~
返左去..  之後唔記得做左d咩   又出去買野... 跟住接埋小基同嘉浩
準備好所有材料  我地將個廚房同我地ge晚餐都交比嫁得過ge何生

輝仔真係用心良苦la  為左我地ge晚餐
佢同2位美女助手齊齊係廚房被濃煙侵襲左4個小時
係果4小時入面..
我好肚餓.. 我一食d薯片就受到評擊
9點幾..  Eva,Ball,臭涁涁都黎埋la
齊人了~~
11點.. 可以開飯la~~  真係辛苦哂輝仔,Joey同KK

好好餸...  有熟過龍ge雞柳..亦有生過龍ge耶菜
仲有燶過龍ge雞翼.. 硬硬蒸肉餅...同埋冇粟米味ge粟米湯..
不得不一提ge..  當然唔少得KK自家製燶燶蕃茄蛋一窩
佢一再強調："未落蛋之前，it's OK 的!!"

 食完晚餐..排隊沖涼  我記得好清楚   我係不斷咁比人打佔ga!!!!
期間...  幾位職業賭徒又繼續佢地ge鋤D生涯la.. 

沖哂涼之後.. 開始果D集體ge活動..
玩左mc killer同一個姓馬ge game..
仲有以一句歌為單位ge馬拉蟲
睇埋Joey ge半粒鐘真人show
就笑到我訓著左la
7,8個人訓埋同一張雙人床肉.. 多麼溫馨呢~!!