今日返學好開心~
history 阿ball 係咁比Ms叫左好多次起身答問題... 之後睇片喇 好難睇呀 d人好高 遮住左一半....
 小息... Karen 送禮物比我呀... 好開心呀 好中意呀^^
電腦 嘩~ 今日竟冇釣過魚呀 教整網頁 好有興趣...
 數學堂 好掂呀....何輝啟 好榮幸可以同佢坐 佢數學真係勁 個個都諗唔到 佢就諗到 仲出去講解得非常之咁清楚 但出人意表既係.....個答案係 〝計唔到〞
就係因為佢對對左問題 本來做6題數 兒家做3題咋 但3題都做死喇 唔識做~
lunch 食麥當勞... 烤餅送麥樂雞~
之後中文默書呀 唔識好多字呀 今次冇 〝豬〞喇..... 默書....令我諗起以前成日都同佢一齊出貓~~
跟住Art 畫野 haha... 燕玲教我畫左朵好容易畫既花呀~
放學喇... 今日冇返中樂團... 係canteen傾暑假去camp d 野....
有師父啦...詠婷 小華 區bird 同景瑩... 大家傾得好開心呀 個個都好投入....
當中有一段小插曲 就係有隻飛鵝呀 師傅好勇敢咁 打左佢落地下 但隻飛鵝死唔去 最後比隻雀仔生吞左...
之後ling ling 同竹竹加入 跟住雁雁又加入 傾得好好笑... 大家都笑到收唔到聲....
6點幾 比Ms Man叫我地走...
好開心呀 希望個camp搞得成啦 真係最後一次喇 下年就各散東西 仲淨番幾個月 我真係好想大部分既同學都可以一齊開開心心咁玩一次 但我地班裏面隱藏住好多不為人知既仇恨......
其實我都有d後悔 咁遲先同師父佢地fd 同佢地一齊玩 好開心架^^
希望我地友誼永固... 同埋 大家都可以升到自己想入果班啦...
| 
