今日既節目好精彩呀....  玩得好開心^^

一早就同成大班同學去踩單車  好多人呀  有D似聯班旅行~~
3A:邱柴  3B:我, Joey, Philip, 雁雁, 阿ball,  雪華, C.lam, Kaco, 文文, Kuli, 馬騮, 黃詠雯, 肥鴻, lamlam, 喬喬, 何輝輝  3D: XX勝 同埋 余氏兄弟  成班人一齊行好有遊行feel...

咁我地就撘巴士去到馬鞍山租單車  由馬鞍山踩到去大尾督  好長呀  條路  踩左好耐  飯都冇食...  途中都有唔少阻滯  甩鏈呀...  但我地果班人當中  有好多好叻既人  例如輝輝,喬喬...  佢地都識整呀...  太好喇...

不過呢... 我初時唔知搞咩冇汗出呀 但好熱喎  嚇死我  又有dd頭暈暈咁  好驚中暑呀  但踩踩下又冇事la~~

好開心  去大尾督既時候  一路踩 一路同c.lam傾偈 講番小學d野  好好笑... 

之後我地好熱  係度食豆腐腦...  好食架  不過咁熱  係凍野都話好食架啦 

去到大尾督  好開心呀  第一次踩單車去  踩左咁耐  終於成功到達  好有成功感...  同埋呢...上次同師父佢地踩  因為萿兩  所以去唔成大尾督  今次終於都去到  特別開心...

上左去一陣  就返去喇  趕住交車.... 

返去既時候  我同Philip  一路踩  一路談心 原來佢d屋企人係好好笑架... 
我地要係5點9返到去交車  剩番半個鐘  但我地仲有好長既路先返到去  跟住我地係度唱大長今  好搞笑...

但因為有d意外  有幾架車遲左交呀  好采個老闆好好人  冇罰我地$  仲話下次我地又去踩車  帶我地去上水  嘩~ 好期待下一次呀...
亦都因為遲交車  有少少爭吵  但到最後都冇野la...

交完車  我地就去左食野  佢地講d野好搞笑...  之後就返屋企la...  係個巴士度   何輝輝講鬼故呀  但講講下我就要落車喇...  待續~~
返到去就有得休息下喇  成身汗  沖個涼  舒適哂~~

今日好熱呀  曬死我la  曬傷左  好痛  紅哂...  仲有兩截色  最搞笑係個手錶印...   不過中間  無啦啦落左場驟雨  落左幾分鐘都冇  但好爽....

我今次炒左一次車  瘀左少少  但唔痛架...

有人跌親  有人抽筋  又有人喊  今次既踩單車  真係難忘...

夜晚  去左唱k呀  安達ceo  好好玩  唱左好多歌  玩到5點幾就走la  返到去  累到死  lala聲教la...

今日真係玩得好開心~~

一絲絲  一點點  燒毀憶記
一幅幅  一聲聲  又復燃起
怎麼捨得你
任由我  腸斷至死
戀一生  差一些  不可一起
祇一心  等一天  日月如飛
卻等不到你
願忘記  又想起你