今日去行山a...  完成左成個第7段  行哂針山同草山

不過今次真係行得冇咁舒服...

又冇風  又悶熱  最重要ge係冇左宗宗  所以行得好快... 仲冇咁多休息...

但都好彩冇太陽...

第三次行針山la  其實針山  真係唔好行...

全部都係樓梯  又冇咩落下  一口氣咁上  回下氣都唔得

又冇咩風景睇...

上到山頂呢  好大霧a...  仲好多dragonfly tim... 多恐怖!!

草山就唔同la  冇樓梯ga  但係差唔多全部係斜路...

一路行呢  好似入左個樹林咁樣  周圍都係樹  好靚ga~~

途中仲見到一大班牛牛...  好大大大大隻a!!!

上到山頂  諗住休息一陣la  突然  電光一閃  接著發出一鼓震耳欲聾ge雷聲

跟住就落大雨la..  such a down poor!!

咁就lala聲跑落山la..  d行山ge人好好人ga  雖然唔相識  但係都會扶人ga...

咁就成大堆行山ge人一齊衝落山la..  成身濕哂  又鹹又濕!!!

跟住落左山就行返去成門水塘撘車走lu

返到屋企 沖個涼  去飲茶la.. 

飲完  約埋小基去配眼鏡  無啦啦咁求其問左個人要咩色好..

跟住就不斷係咁搵la...  行左好耐  睇左好多間  試左好多副...

終於都係葵芳買左...  不過就唔係好底...

小基配左副都好型ga...  哈哈  好似忍者龜a~~

今日真係多謝小基同我行左咁耐la...  真係愛死你la  哈哈哈...