尋晚  零晨  2點幾  媽媽隻腳傷得好嚴重  so表哥就黎左我屋企幫媽媽療傷la  順便係度寄宿一宵

3點幾  老返豆黎la  佢飲醉酒...  佢一飲醉酒就會係咁捉住人同佢傾計ga la  但今次佢唔搞我同我細佬  佢走去搞我表哥  笑到我地死....  之後佢開心過頭  拉大隊落街買酒喎  咁就去la...  買完返黎  佢又真係飲喎  佢飲到好high  之後我地玩UNO  真係好搞笑......  咁我地玩到6點幾先訓....

10點約左人攞d野   之後就返總部開會la  一去到  就要操la  操到身水身汗  咁就返入去開會la....

唉!! 好慘呀  First Aid要補考呀  仲要咁Q係去camp果日.... 

開完就返屋企la  之後就去左銀龍吃飯  係門口見到一張請人ge招貼  咁我果個會考完左 搵左好耐工都搵唔到ge表哥就流哂口水咁望住張紙la  至於周身冇$ 又要出街玩ge我亦都會對le張紙產生興趣.....

咁我地食完  就問人拿左張form黎填la  wa...我咁就係第一次搵工la  不過我諗佢都冇乜可能會請我ga la 

張form問我想要幾多薪金  haha...我真係唔知填幾多好喎  咁我就隨便咁寫左$10一個鐘la  我填完都覺得好怪  麥當勞都有$15 la

唉!  不過算la 我都係打算賺少少錢  等個暑假好過d姐  屋企又唔係等我開飯  我又唔係好大洗...哈哈哈~~

咁申請職位果度  我又唔知寫咩la  做樓面  我就一定唔掂la  寫字咁慢  落錯單仲死....  我覺得我最叻就係做清潔la  但唔通同d嬸嬸爭飯碗咩  so我最後係寫左外賣...

其實我都冇希望佢一定請我ga la  但如果佢請我咪當我好彩lo....哈哈... 不過好突然  咁就叫做搵工...