今日ge故事  主要都係係長沙灣發生...

所以我特登揀左呢種顏色ge字黎襯番佢

今日一早起身  賣旗!!

其實.. 我都有d唔想去  因為尋晚返工  所以好攰好眼訓...

加上都冇相熟ge同學一齊去  真係好冇動力a!!

不過應承左ms fan...  緊係唔可以偷走la

返到學校點名...跟住就坐旅遊巴出發去長沙灣la

去到就賣la  賣...賣...賣...

係消防局門口賣...好多消防員哥哥幫我買旗... wow~ 正!!

之後都係周圍走下咁賣la  點知賣賣下連自己都賣埋...

唔知自己去左邊...  咁我一路行..諗住行返返去la

行左好耐..   果度d空氣又差喎  又多車..又多人食煙

真係一路行一路唱.. "有沒有口罩一個給我...."

長沙灣真係好長...好長...好長...

尋日返工 企左8粒鐘  今日又係咁行..  隻腳軟lai lai.. 冇哂力la!!

行到12點2我就發現自己行錯路  仲行到好遠tim..

但係12點3就要收旗袋la..  果陣真係嚇到我鼻lone都大埋

跟住我就發揮我ge本領... 長跑!!

跑...跑...跑...  好快就跑左返去la

不過太樣衰la.. 長沙灣狂奔!!

枉ms fan 欽點我做組長  但我竟然係最遲果個..

好彩架車都遲到   如果唔係就留低我係長沙灣la...

賣完旗  係學校等Eva.. 之後返屋企換衫..

加里nn, karen,kk...去食個tea,吹下水   跟住行街買野...

夜晚  去左婆婆屋企做節..  好多餸a!! 

食到好飽~~