今日就係年三十la..  所以有d咩未執  有d咩未買

都要今日搞掂佢...  趕住聽日過年a!!

出哂名咩都慢過人ge"黎宅" 緊係咩都未準備好la  仲大掃除緊....

所以呢.. 今日我上午ge節目依然係買野,執屋跟住返工...

講下返工先..  年三十晚  竟然係最唔多生意ge一晚

所以.. 今晚行行企企  又過一天...  正!!

到左9點  就係我收工ge時候la..

因為今晚爸爸特登攞假同我地食團年飯

咁我都一定要申請早放la~~

尋晚我哎左個大肥婆好耐  講到我自己都覺得煩..  佢先肯9點比我走

點知到左今晚  佢又竟然唔比我走  要我做到10點..

真係火都黎埋  最憎d人冇口齒ga la!!

跟住  我就發佢皮氣..  lala聲執好哂d碗..

最後9點半  成功走人  去食團年飯lu~~ yoyo..

去4眼佬度打冷  正!!

食完飯  本來爸爸話去唱k ga..  但媽媽又話唔抵唱...

跟住又話行花市.. 點知行到半路..

爸爸又話好多人  佢著拖鞋  驚比人踏親隻腳..

就係呢個咁ge理由  最後..都係返左屋企

我好想行花市a!!  我pual 5代同堂a!!!

返到屋企  睇下電視...  掃下地..  咁就到左年初一lu

之後12點幾  去左mita姨屋企hea左陣

多謝mita姨送ge禮物a!!  好開心~~

返返屋企  同媽媽一齊包利是..

跟住訓教lu~~