如果可以的話我想失憶....只要失去個日ge 記憶就得...........又或者如果個一日可以重來的話...我會選擇離開而唔係留係度.............
                                 

                              但係如果被我重回4年前, 我都會選擇去認識你...同你做朋友.................以為自己放低左, 但四年後ge 今日我個心依然都係最關心你.....可能因為我同你都無踏出過個一步..........今日ge 我只係想個日咩事都無發生過.............但係亦可以咁講如果唔係個晚, 我唔會知道你個心係點想..............岩ge ............你的確係令人無安全感, 因為你真係好小朋友............而且太過無主見.........

                                     學會睇得開係一件好事.........但我又係唔係睇得太開le...............我唔想次次都係我搵你...... 你可唔可以搵我先a.................兩個都係咁....我係女仔黎ga............唉...雖然係咁講, 不過最後都係屈服係自己個心度, 就係因為想見佢........................我估係女仔先會做埋哂無聊ge 傻野.................

                                           夢境真係要閉上眼先睇到...................但好多時亦因為咁已覺得自己係現實中係無能為力....................知錯但又無機會去改.................

        最近又有一個好朋友同我講"你係一個好好ge 女仔, 好到我都想你做我男朋友, 如果你係男仔的話........."呢句說話我已經聽過我幾個朋友同我講...但今次呢個朋友同講呢句說話係因為佢知我係一個收埋自己ge 人....佢話我永遠俾人第一個印象係強同會好樂觀, 而且仲以笑容對人....但係佢亦講出左一點就係呢d 表現係因為你要令你爸爸認同你.....無錯...
         我承認, 因為我由小到大爸爸都將傳統觀念教俾我同哥哥......而佢亦都好認同佢係天, 我地係地, 所以我地一定要聽佢講....佢叫做咩用咩方法做都要按住咁....如果唔照, 你就係唔岩.....就會責罵你, 你同佢理論, 佢仲大聲過你, 總之佢所講ge 就係一切......所以慢慢地我地成家人都會用佢ge 眼光同言語去作為做任何野ge 標準......亦都因為咁我慢慢地為左要達到佢ge 標準而去不斷咁做好自己..........中學讀書時佢話要主科要攞80分以上, 於是我就科科都係85分以上.......佢叫我唔好做兼職我就唔做專心讀書..........考大學佢叫我只係考一間, 咁我就只係考一間.....但係其實我無形地受左壓力都唔知...............終於係中學時入左醫院....不過爸爸依然都唔覺佢自己有錯, 因為佢係天.....但我出院後失我做咩佢都唔滿意.....

   到我入左大學後, 佢ge 責罵愈黎愈多仲愈黎愈無理取鬧....好多時因為我同佢性格太似以令到佢會打我.....甚至佢會叫我去死, 叫我唔好返黎.....但係佢ge 責罵只會對我....因為佢鍚我緊我, 怕我有事.......但係我真係受唔住.............到左我出黎做野, 份工唔係佢想我做個份,.....政府工.....於是佢又不停咁叫我去考, 但係我已經唔想再咁.............生活上又不停咁無理取鬧對我發脾氣.............呢一年, 佢話我責罵我ge 次數實在太多, 仲打左我幾次........我真係忍唔到...........佢完全唔明白我想做咩亦都唔認同我所做ge 野.....有成績出黎只會話你份工無將來...........考車又話無用讀書又話無用........現在ge 我又要應付工作辛苦又要應付學業又要應付哥哥結婚問題, 仲有............再加上爸爸.........我身心實在頂唔住.....我無辦法再強落去...........我始終係一個女仔.............我朋友講岩就係因為我要得到爸爸ge 認同所以要做咁多野去做好自己............但係另一方面就係唔識去愛自己.......你已經做得好好.....唔好再咁迫自己.................以前ge 我好少會喊, 但今個月我已喊左無數次............

                                                                  但我無怪佢只想佢能明白我所做ge 野係我所想要ge 野.................................

               今次ge 我輸得好徹底........輸就係輸係我係好人............好女仔.......可能呢d 永遠都係好人ge 結果........

                                怕傷我, 怕無朋友, 就係我從你口中聽得最多, 永遠都唔會踏出個一步因為怕失去我..............呢個係我第一次聽到....如果真係要令你唔對我咁好, 就唔好做朋友......呢個亦係我估唔到你會講ge 野...............我係一個衰人你身邊仲有好多好ge 人.............呢句我完全可以同你講你係一個好人因為你識珍惜我.............

     近排好似好黑仔咁, 做咩都唔係好順利, 加上有好多煩野出現左, 無論工作, 學業,家庭定係感情都有好多野煩住我,令我有想逃避ge feel, 工作就係多都已經知, 但係其內ge 複雜野令我覺得係個度做有心灰ge feel, 想轉第二個department 但係做同樣野.........無可能ga la...........

             至於學業因為有功課要交加上工作的多, 故更難應付, 因為要吹水,吹成3篇文,每篇都要4000words.............家庭有人結婚係好事, 但係到頭只有一個煩字,因為佢根本無咁大個頭, 但係又要戴咁大頂帽, 最後又係搵著我黎搞, 日日係度為個日子而家嘈, 雖然唔係我嘈, 但係都好煩, 仲要六國大封相咁..........唉.佢如果晨早同個女仔散左, 就無咁多煩野................

                     係呢一刻我對自己的感覺只可以話亂, 就算同人講左都好似講笑咁, 有朋友話"你咁都唔係鐘意佢a???"ha ha係a 我真係唔知a...........但係我咁耐以黎只會對住個個人先震同怕.....不過我表面依然都係不理由得佢.................

                                                         Hope November is a new month and good start la........................

                                              我發覺我永遠都係一個失敗者, 看似好多野都做到, 但實際完完全係一個失敗者..........無一次係勝利, 即使得到過但到頭來都係被傷個個................

永遠只有付出, 最終只有傷..............永遠都用錯方法?憑心去做個結果永遠都係輸, 仲要輸得好勁................

                       想講好多野, 但係不知可以搵邊個, 有可以講ge 人,但係無勇氣打,可能 好多時無就係無......................

所以只好再搵, 一定會有第二個.......................問題在於你點睇..........................好多時timing and chances are there , but you still do not know..............