呢個新年假過得都係咁。。。。同往年一樣年初一去舅父家拜年同食飯， 年初二，三返大陸， 年初四拜公，年初五返工都係返左一陣， 因為教授年初六先返黎，但係今年好凍，搞到成個人都唔想郁，不用出去時就係家度, 我一向都唔睇台灣劇集， 因為覺得悶，但今年我竟然利用新年假睇左４套台灣劇集其中有兩奪未睇完，但呢４套都令我覺得好感動同明白左好多野。。。
首先係敗犬女王。。個女主角ge 幹勁簡直可以話係我翻版。。一味只知道做野。。但其心中孤獨亦同我一樣.....除左因為咁樣我之所以追落去， 另外仲因為係第一集阮經天同個女主角講”你係值得真心被對待”...就係因為呢一句令我想睇落去,仲有阮經天太似某人la...唉......亦都因為咁我就睇埋佢ge 成名作”命中注定愛上你”...睇左之後先知道個故事個女主角同我性格亦好似就係永遠只替別人想....就算自己無得益......係朋友口中知道”下一站幸福”好好睇咪睇下lor...點知真係好好睇....因為真係好感人亦令我明白人不但要對人坦誠, 仲要對自己坦誠...如果自己都無法對自己ge 感覺坦誠就無法得到幸福.......仲有就係愛你ge 人之所以會講大話係因為佢想保護你.....再係網度睇到一套叫"就想賴著你", 一睇之下個女主角同我一樣， 成個男仔頭, 傻頭傻佬咁。。。亦都係呢套戲令我對言承旭改觀........阮經天同言承旭都有一個共通點就係佢地眼神實在太勁la...ha ha, just joke..........
不過呢四套戲令我覺得好睇最大原因係個女主角都係平凡而且係無人估到會有人愛佢地...一個女強人， 一個不起眼,一個窮家女孩,一個男仔頭.....令我覺得所有人都係特別.....可能自己無發覺, 但係人地會感覺到.....仲有就係無野係無可能...年青唔代表唔可以同大過自己女人一齊......因為感覺重要過條件...外青普唔代表唔會有靚仔鐘意....窮人唔代表唔可以同有錢人一齊....男仔頭唔代表唔會有人欣賞.....所有講出一樣野就係感覺....感覺係無法講大話, 你之所以緊張同在乎一個人係因為你鐘意, 只想同佢一齊, 就係咁簡單.........可惜好多時真心付出換來ge 只係多餘.....
|
