呢兩日番咗大陸
第一次唔同屋企人番�H感覺真係好似大鄉里出城
本身諗住搭高鐵上去
去到買飛先知原來要買定飛 (btw有人話搭過我先咩都唔理.3.)
總之就無車搭啦 要搭高鐵一係去羅湖一係等到夜晚11點
所以我哋放棄咗 決定去搭直通巴
等咗成個鐘 再搭三個鐘 加埋喺深圳北食嘢�H時間
導致本來四個鐘�H行程變咗九個鐘
中間仲要經歷猶如非洲大遷徙般�H地鐵之旅
以前以為HK逼輕鐵地鐵�H時候 D人死命咁塞入車已經好癲
但原來HK人已經好禮讓 因為佢哋仲會等人落咗車先逼入去
但係喺廣州 一開門D人就向前衝 根本唔會比機會人落車
好幾次都見到有人本來想落車 係咁向前但又不斷比人逼番入去
有個開晒兩道門�H站仲慘
一邊有人湧上來一邊有人衝落去 搞到中間明明唔想落個D都比人撞埋落去
搭一次地鐵就好似經歷咗場世紀大酷劫咁 完全埋下陰影
而家終於都明點解每次就到站時 個廣播會叫要落車�H人先準備好 因為唔準備係真係會落唔到車㗎...
出咗地鐵就要決定點去酒店 本來打算搭公交�H我哋決定放棄 直接行路應該會舒服D
但係比人水我哋行錯咗方向 問咗地鐵職員同公安比�H方向完全相反 搞到我哋極度迷惘
最後都係搭久違�H摩托車
細個喺大陸住成日搭摩托車 乘風而去�H感覺好爽
不過細個永遠都係坐中間 感覺好安全 所以未驚過
今次第一次坐尾其實好淆底 不過又要扮唔驚安慰D未搭過�HFD
唯有回想下以前D親戚坐尾�H姿勢再學下佢哋
好彩最後都安全到達
入到酒店第一件事梗係check in啦
上到房發現其中一間係尾房又走番落去換房 事關大家都好驚 寧可信其有嘛
到酒店安頓好�H時候已經差唔多八點 加上已經怕咗搭地鐵 本來想再出去行下街�H打算亦到作廢
大家變咗去附近�H超市掃貨 又去買pizza 買咗勁多嘢除番開每人都係45蚊人仔
然後就成班人圍埋一齊食嘢睇電視吐嘈劇情 再一齊玩下房game咁就訓教
因為第二朝仲要早起身出去買嘢同玩
第二日都係遲咗起身 不過就準時去到搭車
入到長隆玩咗一日機動遊戲
由於住酒店送fast pass�H關係 基本上唔洗排隊
有班外國人仲好葡萄 問我喺邊到買 然後我再次發現自己仲講到Eng ^_^
其實d遊戲同hk個d都差唔多 無咩特別
最搞笑係個摩托過山車 真係好似揸緊電單車咁 好Q
最有一個十環過山車 最大�H感受係好痛
本來以為OP個個瘋狂過山車已經撞到個頭好痛 但係原來已經算好
因為十環個位好硬 撞到個頭係真。痛
都唔撞死咗幾多腦細胞
玩到五點左右就番HK 又要去逼次地鐵 大家都極度惶恐
好彩都順利去到高鐵站 然買好好食�HKFC雪糕
D款式其實同HK M記差唔多 不過就好食好多
個站入面仲有20蚊一杯�H鮮柞橙汁 有得睇住部機柞 幾得意
有個男人買緊�H時候表示我哋幾個女仔係應該要番大陸學嘢 話HK落後好多
我哋幾個即刻靜咗...
雖然今次上去真係有新見識 但唔覺得係因為大陸先進
純粹係少去其他地方姐...
個男人仲要笑我哋唔識用Wechat比錢-0-"
其實有無諗過係文化唔同-___-
正如HK用master, visa; 大陸用銀聯, Wechat, 支付寶
唔係本地人比唔到當地�H電子貨幣都要笑:(
不過我都要用番多D wechat 成日唔記得pw真係唔係辦法
[-完-]
