今日唔係件開心事
話説今日入101LAB
最後一次真係又開心又緊張
開心係以後唔洗再驚入LAB唔知要做咩 點做實驗 點寫report
緊張係今次無source完全做唔到心理準備
之後聽Briefing 其中一部分講到用oil lens
個MISS話滴油前要係上100X之前focus清楚
因之滴完油唔可以再郁個stage
之前我一直都記到好實 但唔知係咪我太緊張啦
終於今日就得罪人
事前其實我已經係40X focus咗個specimen
叫D人過來睇下 清晰無問題就可以滴油
不過好唔好彩地係我一個唔留神 佢哋換咗張slide 要重新focus過
咁都算啦 好不容易終於滴咗油 其中一個gp mate竟然去調coarse knob
我緊係即刻同佢講滴咗油唔搞得個stage啦
不過可能語氣太衺 就激嬲咗人啦
我仲要個時唔知 一心諗住揾人問下點補鑊 衝咗出去問MISS
雖然MISS話好難搞 但最後都係叫我哋調番上去focus番
番番組個氣場就唔對路啦 不過我就淨係諗緊點快D搞掂佢 就問個gp mate fo唔focus得番 佢不語
佢最後搞掂咗之後 我問多次 佢就黑晒面咁叫我自己睇
睇完之後個心定晒 不過就全組繼續沉默 我先意識到自己得罪人
唯有行埋去SAY個sorry
雖然之後都無咩事 但係直到落堂我都仲係耿耿於懷
可能係唔服自己要道歉 因為自己向來都係個好勝�H人 細個仲要試過因為鋤DEE鋪鋪都輸而喊
同時亦可能因為唔滿意自己待人處事�H方式
細個我因為經歷過成日鬧到人狗血淋頭而鬧到無咗個FD之後 就一直都唔敢亂發脾氣 去到一個唔敢輕易表露情緒�H程度
但近呢一兩年D EQ又低番 成日都郁D就動肝火 成個人都好燥 講嘢又Mean 又小器 反正成個人�H性格又轉咗轉
仲記得之前有人話過我好情緒化 但係其實我已經盡量令自己冷靜D㗎啦...
加上自己又係個易驚�H人 姐係又易嚇又易緊張
之前做big 5 test就中咗neurotic 姐係神經質
呢個性格�H人真係無咩優點 缺點就多籮籮 雖然令我有D不爽 然而呢個係事實
係街上忽然叫我(就算細聲)都會嚇親
了解我�H人就會知道 我連搞個活動都可以搞到全身都震 又緊張到走來走去坐唔定
今次又搞到咁 真係要反省下自己點先可以得罪少D人
[-完-]
