今日,我諗係我LEE一生人最開心巴一日.我之前係一直都估唔到,我可以同吳鄭珩一齊出黎睇電影.
　　
　　今日我6點半起左身,都訓唔?,可能係太緊張,之後我繼續訓,7點半又起番身,我又再訓過.Oooooo,我8點半又起身,係唔知咩事,咪試過咁樣,唔通我真係太緊張??或者啦.之後10點我先再起身,10點半同左呀媽出去食大快活.食左兩個餐,飽晒.點知個死人馬金強,話左11點出黎,佢到左11點9先同我出黎,要我等左好鬼死耐.

　　12點左右,我已經同馬仔一齊,去左pizza hut,我以為我會快得過吳鄭珩同佢個FD,點知佢打比馬仔我地都仲冇到.之後我地就當然入左去啦.我地係到叫野食,馬仔叫左個一人常餐,我叫左杯野飲下就算鬼數,點知【花】佢地叫野食都食左成半個鐘,係咁係到叫第二個人叫,自己唔叫,我已經好無奈.之後佢地叫左一個pizza,我同馬仔係已經食晒,之後係到睇佢地食,我睇到好無奈,當場呆左,佢地連將一個pizza分開都唔識,我呆左勁耐,實在冇眼睇,去幫手,佢地分左10分鐘先分開兩塊,點知我10秒鐘就分晒,之後我係勁開心,【花】佢讚我:勁BO.嘩,當時我係開心到呆左係到,雖然表面上冇變過,但係我係開心到冇辦法形容唔到.

　　食完pizza hut之後,我地去左買戲飛,買完我地當然去買野飲,買D零食入去啦.入去之前,我同馬仔去左個廁所,不過我只係去洗手,【花】佢地就入左去先,我地去完又跟住入去.一入到去,【花】坐左係K9,佢個FD坐左係K10,而我同馬仔既坐位係K8同K7,我知道馬仔一定要我坐K8,而佢就坐K7,所以我好快就坐左K7,馬仔就同【花】坐,我係就係好想,可過淆底,冇坐到姐.睇戲既時候,我地都帶左3D眼鏡,我地LEE班帶眼鏡既人士,又帶3D眼鏡,都幾辛苦.一開始睇既時候,都幾好笑,不過【花】坐係我既左手邊再左手邊,我好難唔留意佢,成場戲我真係有專心睇下既一D都冇.

　　睇完戲,我地隻腳,之後我地都去左網吧,真係壞學生.我地坐左係87-90,4部機,我記左我第一次同【花】係網吧既時候,我坐係87,而【花】就坐係90,但係今次花坐係89.我坐係87,馬仔坐係88,【花】個FD就坐係90,開機既時候,馬仔係咁叫我同佢換位.雖然我都幾想,但係淆底冇換到,之後我一直留意【花】用電腦既時候會做D咩野,我以家知道,【花】開電腦就只係玩下勁舞,上FACEBOOK,同埋上論壇.

　　今日係我有生以黎最開心既一日,聽講【花】係7月18日又同FD出黎睇戲,蕭蕭果日又約左我同佢,唔知果日會唔會比今日更開心??期待你哦-7月18日.