哈哈話說我上一篇已經拖左好幾個禮拜@@

有動力再打埋去再POSE可以話係個奇蹟啊！

宜家舅父佢地又係打緊牌，所以先仲可以唔洗訓，

說好的呢今日加加埋埋都打左差唔多十鋪啦嘻嘻，

我發現自己今日既運氣唔錯，食左混一色同對對糊:P

好啦我要爭取時間，睇下呢篇打到幾多啦嘻嘻。

話說星期日開始，直至星期四，我都係處於一個狀態，

精神極度不振、壓力過大同埋腦部不協調既情況._.

連續幾日都係訓得果六個鐘，個黑眼圈呢……真係唉！

岩岩果個星期二放學之後既生活可以話係多姿多彩LOL

個伴我同行計劃正式開始，呢日就係比我地認識下啲小朋友，

係禮堂同三個小朋友傾左大半個鐘計，基本上了解佢地咩性格，

好坦白咁講佢地三個性格差好遠，其中一個男仔好樂於講野，

有個女仔就比較抗拒，另一個男仔就比較怕羞@@

我宜家仲係度考慮緊下次見佢地果陣時應該進行咩活動好><

不過點樣都好啦，希望時間可以令到我地自己冇咩隔膜，

最重要既就係希望佢地唔會因為參加呢個計劃而自我標籤:)

之後同MISS IP練左兩次果個PUBLIC SPEAKING，

真係好慶幸果日既表現唔錯，TONE都改善左好多，

聽到MISS IP對我既肯定真係由心底開心出黎囉-V-

安頓好個演講比賽之後，係時候返音樂室搞個創藝展，

練左幾次果首WE HAVE YOU TO BE WITH之後，

就係電腦室望住PHOEBE剪接果段較早前錄既影片:P

最後係音樂室HEA左陣，錄左啲冇咩用既片段就走嚕。

話說果陣已經係六點半，好耐未試過咁夜係學校走喇:O

星期三英文堂果陣時就嘗試面對一大班人去演講啦，

唔知係乜野既因素，講完之後開始冇咩信心，

仲要影響埋我晏咒搵MISS IP練習果陣時，救命！

果刻我真係好擔心同埋好無奈，好似乜都做唔到咁……

放學果陣時我再去搵多次MISS IP問佢攞多次意見，

再比佢CONSULT幾句，等自己可以好過啲-V-

果晚我臨訓前仲練左幾次首歌同埋個SPEECH，

為既只係希望表演同比賽果陣時可以用最佳既狀態出場:P

好嚕其實真係好鬼攰，似乎我都唔可以睇埋佢地打完呢四圈。

各位晚安喇！比賽果日啲野留番聽日有精神再繼續啦*V*