唉呢幾日真係唔知點解凍到就黎癲喇，
突然之間好唔慣出街又要著多幾件-V-
話說宜家我果兩隻手都係半彊硬狀態，
真係好想全日留係張被袋入面過，暖笠笠咁:P
不過是但啦，嚴寒天氣象徵住又到聖誕喇@@
嘻嘻真係好期待呢B-) 到時實會好開心:D
岩岩果個禮拜四真係忙到水都冇時間飲囉:S
朝早搵MISS IP練多次段SPEECH……
其實我果次已經係放開一切憂慮既野，
完全放鬆自己，投入係個內容道就算嚕:D
之後返到課室就終於派左張期待已久既成績單，
個班級名次同每科個成績都唔錯啦其實-V-
始終都係第一次接觸大量新既科目！藉口幾好B-)
點樣都好啦，希望黎緊可以KEEP THEM UP:P
之後HOME PERIOD完左就係電腦室留左陣，
見到PHOEBE差唔多整完段VIDEO更係好興奮！
最後係課室上左後半堂L.S.就開始走堂嚕@@
先講下大家係音樂室總綵排果個情況先啦，
MS CHUI都好有心咁樣黎同佢地開聲同練習，
而我地啲樂器伴奏基本上都冇咩特別大既問題啦，
話晒呢次又唔係我地第一次去合作演出喇:P
至於電腦室既情況就麻煩喇，段VIDEO雖然完工，
但係轉做WMV格式上出現左個好嚴重既危機……
果刻PHOEBE`HENRY`RICKY同我係電腦室，
望住個電腦螢幕有種無言既感覺，同時亦都好擔心，
因為部錄影機可能會突然冇電，所以影像會黑晒，
但最大問題就係部主機個記憶體太細，未必轉到格式-V-
我地四個好沉重咁托住個頭，始終PHOEBE已經試左幾次，
但奈何果段咁唔爭氣既VIDEO仍然係轉唔到到WMV格式:(
最後RICKY祈左次禱，我地再請啲T.A.幫我地轉多次……
至於我地就去同MS CHUI報告啦，佢個樣似乎仲擔心@@
佢問我地最壞情況同埋最壞既打算係點樣……無言:O
最後我地諗到一個方法──係音樂室下載果個剪片軟件-V-
(唔好問我點解呢個方法可行喇，我唔會識用文字答你)
正當個SOFTWARE下載左少少既時候呢，
我再次同全部參與既人解釋個目前情況係點樣啦，
果陣時我相信全部人都好驚最後冇任何多媒體播出黎:(
突然PHOEBE攞住啲野好極速咁衝入黎音樂室話得喇！
我地全世界即刻不約而同讓開左個位，比佢整部電腦，
而我地十幾個人就圍住佢，望住奇蹟(或者神蹟)既果刻！
有喇有喇，PHOEBE既心機，大家之前既努力終於播到喇……
唔知點解見到段片面世既時候，我啲眼淚開始流出黎><
哎喲雖然咁多人面前喊的確唔太好，但真係好感動忍唔住。
我即刻衝左出音樂室，離遠見到MS CHUI就大叫播到喇，
根本叫果下係完全冇理會隔離上緊GEOG既人既目光><
我洗完臉坐係係琴檯道，進行左最後果次總綵排，
彈彈下望VIDEO真係好高興，真係有種源自心頭既快樂！
好怏果啲評審抵達，好即興咁介紹首歌既背景就開始演出喇。
雖然呢次播片既過程中出現技術性問題，有啲位黑左，
但CHORUS同伴奏上都無疑係聚眾人之力而完美既演出:D
唱完之後同啲評審有段長達幾十分鐘既INTERATCION，
但其實最後聽番黎既評價就係可圈可點既可以話係……
歌唱伴奏舒服，好睇，絕對佩服RICKY作曲既天份，
但唯獨演出既突破少，欠缺多媒體同演出既創意，
真係要完全符號呢次比賽音樂創藝展就仲有啲距離-V-
所以根據種種既字面意思理解呢，似乎入圍都冇望架喇！
最後我地影多張大合照就去番課室上堂喇哈哈=)
無論個結果係點樣我地都應該為此而開心:D
籌備時間少、練習時間倉猝，但有咁既成績都過得去啦！
成班好熟既朋友(大部分既人)能夠一齊比賽更係難得@@
好感動就係大家個心入面都係好希望演出能夠成功，
即使比賽既前夕幾日不停要犧牲啲LUNCHTIME食麫包，
或者放學留到六點幾七點整片同練習都仲好似無怨無悔:’(
最重要都係RICKY能夠寫到首咁正既歌，
同埋PHOEBE付出咁多時間重新填詞，整片，
將呢首歌畫龍點晴，LYRICS更係點綴得好精彩@@
當然唔少得又要重新背歌詞既CHORUS同學-V-
我真係為此而感動好開心T_T 多謝你地咁多位:)
|
