哎呀呢幾日既天氣真係凍左好多，

終於感受到秋天既氣息喇:P

宜家保持住一個星期打番篇QZ都唔錯-V-

奈何遲啲再忙既時候就唔會有咁既機會嚕@@

呢個星期初個月餅罐收集比賽終於完左喇，

今次我地3B班雖然有百幾個，但都落後A班廿個，

不過唔緊要，起碼呢個比賽將我地成班關係拉近左=)

回想起最後果兩日每個同學都係捧住啲罐返學校，

最後果日仲係要有幾位同學幫其中一位同學攞番黎，

見到咁樣真係好開心，原來大家都為班會付出咁多:P

呢種睇黎就係平時所講既TEAM SPIRIT喇哈哈haha.

特別係每個月餅罐上寫上3B果陣時，就更加興奮B)

的確呢個比賽只係愛心班會其中一項評分準則；

而愛心班會亦係最佳班會既其中一項準則，

輸個比賽唔等於啲乜野=) 因為友誼第一比賽第二XD.

呢次比賽同時亦都將今年既活動揭開序幕*V*

我相信3B係未來既日子會更加團結同努力，加油`!!

另外九月廿一日號夜晚去左睇舞台劇@@

話說我咁耐都未去過新伊利沙伯體育館囉LOL

呢次同媽咪爸爸舅父佢地睇《蝦仔爹地》，

雖然呢套東西首播係好耐之前但都幾好笑haha.

呢次仲要係我生平以黎第一次睇舞台劇……

呢集個嘉賓係陳奕迅囉，佢出場果刻係好驚訝，

當然四周圍既觀眾都係度起哄嘩然啦:P

佢唱左首歌同講左幾句說話之外，就得番謝幕先見到佢:P

睇完去左附近好出名既聰嫂星級甜品道食，

啲最BASIC既楊枝金露同涼粉果啲都好好味，

至於果兩個新派甜品諗番起都會流口水架:$

什麼蜜瓜西米露同埋龍眼椰果冰，正啊！

下次去開時代廣場果邊一定一定要ENCORE:D

返到屋企訓教都已經係一點鐘嚕:S

記得九月廿二日果晚打完最近篇QZ就訓覺，

可以話係有史以黎第一次十一點多少少就訓著:P

奈何第二日上某啲堂仍然有種難以抗拒既睡意:S

放學之後去左開CME EDUCATION既會議，

呢年就被編左係陳老師同埋MISS LAW果組做野，

成年都只不過係雖然負責一個教學活動既籌備，

我相信都應該會做得幾輕鬆既，哇哈哈！

希望同RICKY`SARA`CRYSTAL，

仲有JOANNA`NICOLE佢地合作愉快啦=)

尋日朝早再次連續第二個禮拜六就六點起身，

原因都係因為約左HENRY`JASMINE`KARINA打波:D

唔知點解果啲羽毛球打多幾下就爛鬼晒LOL

今日打果陣時終於唔HEA喇哈哈，但感覺好和諧:P

後黎發現隔離場果啲人係我地學校既學長同學姐-__-

因為某啲相認左之後就一齊玩，打完仲一齊去食野><

呢個世界其實真係細得恐怖，但亦都好高興識到佢地=)

食完野之後正當我行緊去圖書館同講緊電話果陣時，

突然聽到有個人叫我個名，我停一停望一望……

發現佢呢日既裝束同平時基本上日日都見既截然唔同，

呢日既MISS IP攞住幾個袋，著住既係條短褲:O

佢開口就竟然用句英文問我去邊度LOL

果刻我猶豫左幾秒，點解係街道都要講英文><

結果就答佢去圖書館還書:P 之後追問多句原來佢返緊學校…

後黎係圖書館逗留左成個幾鐘，真係好日都唔會咁樣=.=

諗番起呢個星期真係過得好鬼快@@

回想起一個星期前我仲係東莞間渡假村玩緊._.

九月十七日`朝早係西灣河同佢地三個打完波之後，

就去左大快活食野，傾計食野真係好開心哈哈！

跟住就同媽咪爸爸佢地去左東莞間主題式酒店:)

至於CHECK-IN之後就去左食野行街同埋游左陣水，

果個泳池真係好正，最深都有成1.8米架haha.

慶幸周圍冇乜住客係度游，我就唔洗周圍避-V-

係東莞35度既高溫之下游水真係好舒服既一件事=)

夜少少就係酒店間餐廳食左個BUFFET DINNER，

好無奈地比佢個GLOBAL BBQ個名FAKE左LOL

但要讚既就係間餐廳播既音樂，哇哈哈！

夜晚就去左個遊閑中心逗留左好耐，仲跟爸爸學打桌球，

好好玩啊嘻嘻:D 我仲好神奇咁督入兩球-V-

但當然仲有好多野我都未掌握到，遲啲要搵機會再玩…

之後就打左陣乒乓波就返左房間嚕:P

但係好後悔冇同做GYM`冇得打麻雀囉，唉:$

呢晚就睇埋無間道第二集先至訓，果陣都已經成兩點幾><

第二日話說九點幾係餐廳食緊早餐果陣得我地三個，

個感覺就好似包左場咁，雖然果度又係播番尋晚既歌:P

之後就去左渡假村入面果個專為影結婚相既場地，

除左好大好大片花海之外，仲有好多間西式屋仔，

最矚目既我諗都係果間古典式既大教堂同埋風車:$

呢個地方真係靚到唔識形容，仲大到有機動遊戲同馬場……

奈何要係高溫下煎熬，果然睇咁好既景係要付出架><

晏咒游完水同埋食完野之後就返番香港嚕嘻嘻！

諗番起原來呢兩日游左好多個堂，雖然長度唔標準:$

返到香港第二日起身果陣時發現自己兩隻手甩皮，

我唔明點解反而上次踩單車唔甩，呢次先黎甩-_-

好嚕長長既一篇終於打完喇呵呵，好有滿足感！

當然同時要養足精神，黎緊五日又要癲過=) 晚安~

嘻嘻趁今日做晒功課同埋要溫既溫晒:)

就決定花少少時間打減啲內容嚕，

如果唔係周末果陣時就會打到我死><

點樣都好啦，呢篇野都唔會短得好邊架喇B-)

唔知點解開學成個月，自己仲係未改番個模式…

上堂好似夢遊太空咁樣，悶啲既堂已經想訓教@@

就算早左啲訓第二日仍然係鬼死咁眼訓._.

真係唔知呢啲睡眠債要幾耐先至還得清:P

有時答問題十題先岩得果四、五題LOL

完全唔知自己有冇帶個腦返學架囉哈哈XD.

英文果啲QUIZZES更加恐怖-V-已經唔想提X_X

至於啲上堂氣氛，除左LS`PHY`PTH問題嚴重啲，

其餘既科都已經改變左唔少嚕，實在係件好事黎=)

最搞笑就係MISS LEE有日係劉老師面前讚我地，

話我地班原來係識得笑架囉@@

原來我地最初比佢既印象係差到咁離譜-___-

宜家既中史堂同第一次上果日真係好大對比:O

真係悶到自己隻眼難以支持:S成日扯開話題LOL

另外今日CHEMISTY就終於有實驗睇同埋做，

話說最值得提既就係呢日燒種化學物果陣時，

釋放左一股對常人造成極大傷害既硫磺味，

姐係好似啲臭蛋咁樣囉，搞到大半班同學疏散……

MR.WONG同佢地彈晒出LAB個場面真係好搞笑haha.

但坦白講有刻聞到呢種味都幾難頂，

但係過多幾秒已經有種不外如是既感覺，哇哈哈！

九月十九日PEER GUIDERS開會果陣時呢，

終於買左個黑色既章喇，真係好興奮囉哈哈XD.

話說呢日就投票簡遲啲幹事要搞咩活動……

搞左大輪野之後就決定係鳥溪沙宿營，期待哈哈:)

至於今年我就負責S.1既STAND BY ME計劃-V-

但點我都覺得LUNCH TIME GUIDANCE易處理啲=)

不過冇咩所謂啦，當係比自己一種挑戰，

嘗試去識多啲S.1既小朋友，溝通下咁樣啦！

九月廿日係第一次PREFECT當值既日子，

只能夠講三個字：好無聊:S完全冇人需要你幫手咁haha.

我唔明點解要搵老師咪自己叫囉，洗乜要通傳@@

搞到覺得自己好似係啲什麼冗員咁樣囉嘻嘻:P

唯一可以做既就係見到行過既老師幾得閒就吹幾句><

放左學之後就羽毛球校隊選拔，當然有好有唔好:P

我岩岩落場就同個S.1男仔打，佢真係好鬼勁X_X

只要一個不留神或者狀態唔算好既話肯定會輸@@

打左幾球已經覺得呢個小朋友肯定成功入選haha.

之後有啲就連波都未識好，不過唔緊要啦呵呵=)

果日同GLORIA夾雙打就已經格劍喇:S

話說我塊新板落地唔夠三場已經因為呢次而甩油，

之後就好灰LOL好似冇左啲肉咁，新板花左超心痛囉！

至於今日練波就唔同上次咁樣發波瘟，

係GLORIA既指導之下終於更加明白要點走位哈哈=)

至於今日打單打個波既落點都唔錯:) 明顯狀態係大勇:P

另外今日個社員大會除左不予置評就唔知有咩好講@@

聽講番四個社都帶動唔到全部社員既氣氛囉._.

我覺得咁樣係好失敗既一件事黎-___-

唔明點解今日果兩位社長好似缺少啲風範咁，

講野太平坦或者講野太虛偽，唔知想點haha.

其他社黎擺陣果陣時又好似唔係好識點樣對抗外敵咁……

自己個直覺就係岩岩果兩年既肯定會好過今年:O

不過算啦`黎緊運動會既一、二百米都要努力:P

我要爭取跑4x100接力既機會，咁先有機會攞牌:D

另外陳老師又搵左我黎緊CME幫手做個宣傳，

就係要講啲關於學生會選舉既事項，嘻嘻好期待。

最近都要將好多LUNCHTIME既時間放番落2A，

當然我係講緊2010-2011年度果班2A啦。

因為上年首班歌就即將代表學校參加個比賽，

所以除左重新練合奏之外，仲要準備一堆多媒體既背景，

希望呢首WE HAVE YOU TO BE WITH能夠一唱成名:)

亦都希望今次呢個比賽可以好成功咁樣入圍啦哈哈haha.

另外呢今年決定試下MUSIC FESTIVAL玩兩樣新野，

就係同RICKY四手聯彈同PUBLIC SPEAKING@@

呵呵`黎緊肯定會忙到透唔到氣，我一定要加油啊:O

另外既野留番聽日先至講啦><宜家已經好眼訓Zzz…

各位晚安嚕`我要去還債喇-V-如果唔係聽日又訓住黎上堂:P