九月十一日晨早流流就去左大美督踩單車:)

踩單車真係同溜冰唔同，

就好似游水咁樣好快可以搵番種感覺-V-

加上果陣時都仲係九點幾周圍冇咩人，

所以係船灣淡水湖條水壩道踩得好快，

不停加速，唔知點解無論做咩都追求速度感:D

休息果陣時停係啲欄側邊都好大風，

呢種感覺真係難以形容地爽啊呵呵=)

之後又買左雪條同埋野飲，消暑好方法:P

跟住就開始沿住汀角路踩單車徑@@

慶幸人車都唔係好多，唔洗周圍避XD.

亦都可以事無忌憚咁樣周圍飛車hahaha.

踩左大約三個鐘，佢地幾個都已經好攰，

但坦白講我仍然係覺得唔係好夠喉哈哈:P

不過冇咩所謂啦，下次實有機會踩耐啲=)

踩完去左杏花村飲完茶就返左屋企嚕，

呢刻先至發現塊面同埋兩隻手都曬得好紅，

早知就搽番啲太陽油啦-V-淨係帶黑超係冇用既._.

隻手仲要係傷到沖涼果陣淋熱水會痛囉><

夜晚就JOIN埋舅父佢地係大坑睇舞火龍，

記得第一次睇捉住媽咪爸爸隻手係條火龍下面穿過@@

今年就由頭睇到尾，淨係叫到果啲大汗答細汗haha.

跟住啲香果啲煙熏到自己隻眼不停流眼水T_T

睇完火龍去左維園，條大魚好一般，冇眼同冇鰭-V-

行行下突然好大雨，荔園果邊未行到就要入帳幕避雨，

好多人同時搵有瓦姐頭既地方避雨真係好壯觀:P

後黎個帳幕入面滲晒水…個水位印象中有成4CM，

個感覺就好似啲災難片《明日之後》咁樣囉:O

逃離呢個水浸地區唯有腰斬活動返屋企嚕，唉！

九月十二日仍然係處於幾靜既狀態下上堂XD.

英文堂MISS IP突然間講開SH呢個音，

跟住就畫左S同SH兩個SYMBOLS出黎，

又話SH LONGER`BIGGER AND SHHHHH~

呢句野真係笑左我成分鐘囉哈哈:D語氣一流:P

至於堂PHYSICS真係有少少唔妥當，

預習我做到，做唔到既係唔識點樣令自己精神@@

我真係覺得自己個眼皮負荷唔到果個「重量」._.

放學之後就極速返屋企換衫再去打羽毛球，

雖然最後都係遲到@@但HENRY比我更遲LOL

呢兩個鐘我地都係好HEA咁樣打，冇咩點走過:P

沖完涼之後JASMINE`KARINA攞個月餅出黎-__-

我地四個就好古怪咁樣切月餅X_X哈哈！

雖然咁樣惹黎好多目光，但係真係好有FEEL:)

哈哈從來未試過咁樣係運動場圍住個月餅係度食:P

跟住我地就好似探險咁樣行左去杏花村囉呵呵，

JASMINE就好那個咁攞左個米奇頭既燈(?)照明:O

行到去個冇咩人流但有韆鞦同繩網既遊樂場道果陣時，

四周圍都已經黑得七七八八，基本上都冇咩燈，

見到一男一女親熱緊LOL搞到我地好似電燈膽咁:P

不過離開佢地視線範圍之後我地仍然係果度逗留左陣，

我真係覺得打韆鞦好舒服囉:D 太好玩嚕！

散左之後呢我同HENRY係麥當勞食左少少野:P

開始有少少覺得自己食麥旋風食到上左癮@@

夜晚去到婆婆道都係打機`食月餅同埋打左圈牌:D

好榮幸我打既最尾果鋪幫爸爸食左鋪自摸，

突然之間好有滿足感囉嘻嘻B-)話晒都有幾十蚊:P

呢晚同左爸爸周圍貢下咁行左去鰂魚涌公園，

周圍都人山人海@@仍然係好多人係度煲蠟-V-

我唔明點解有人咁鍾意用螢光棒砌啲圖案出黎*V*

點樣都好啦，真係好有氣氛囉呵呵:D 吹海風好正！

結果呢晚就係不停睇打牌，搞到五點鐘先至訓@@

隻眼基本上係乾晒，舊電已經用左成廿三個鐘……

但係至從暑假成日夜訓以黎，呢晚真係好爽啊=D

最後都不忘要同大家講番聲遲來的中秋節快樂哈哈XD.

感覺上好似已經好耐冇打過QOOZA咁樣:P

所以都係趁佢地打緊牌既時候更新下啦-V-

但因為以下某啲內容既原因所以要SET密碼，

真係辛苦晒大家花左咁多時間破解haha

岩岩早啲做完套《潛行狙擊》大結局，

個劇情真係有好多問題咁樣，自相矛盾-V-

意想不到PARIS係唔洗死，由頭到尾都係場戲，

話個心臟係右邊更加係冇野好講哈哈hahaha

至於JODIE要死就真係好慘喇:’(荀且偷生……

中文堂`劉老師雖然間唔中會拉埋其他無咩關係既野黎講，

都整體黎講教得幾好啊:D 講解得好深入咁B-)

數學堂`MISS LEE真係個表面上好COOL既老師，

但間唔中會係個意想不到既時刻拋個GAG出黎，

最深刻既就係佢無啦啦講開NSS簡科既野啦，

問我地知唔知點解佢要STUDY MATHS啦，

過左幾秒佢陰陰嘴笑住黎話BECAUSE…WE LOVE MATHS！

好抱歉我除左用「變態」形容佢之外諗唔到第二個詞語，

佢講野同寫野個速度真係好快，ARE~YOU CLEAR?

每堂都係不停比例子我地計，限我地好短時間要做好-O-

好有料@@期待佢會好似高FORM同學講咁有好多金句。

英文堂`每日都期待MISS IP踏入黎課室果個時刻，

仍然係保持住平時好得意既語氣同動作呵呵XD.

第一日上堂見到佢我仲要係癲左咁樣笑……

最鍾意就係佢數123，跟住有半班同學企晒起到*V*

中史堂`發現MRS.LO同平時訓導主任既佢完全唔同，

佢入到黎課室企起老師檯隔離，姐係我既正前方，

又話咩要用鼻音去發個「吳」字，

又話驚我地會腦麻痺所以就話埋圖講佢簿架，

見到黑板MAN畫個公仔之後，佢ERGH左一下，

個反應簡直係笑到我同埋RICKY趴左係度-V-

佢講番明末啲史事真係好似熟到由尾背番上黎都得，

真係好犀利啊哈哈:D 不枉佢出過書*V*

落堂仲要係度笑「佐藤右藤」同埋其他英文名，

又話咩拎住舊屎，痾左舊屎@@爛得黎堅係幾好笑haha.

我發現真係久違V.A. MRS.CHAN講英文果種方式X_X

EPA既MISS HUNG又係照BOOKLET咁樣讀，

仲開簡報比我地填充寫埋落去><佢啲例子有時好抽象:O

ICT既MR.YEUNG就成堂講REGULATIONS同跟書照讀；

CHEMISTRY個MR.WONG就真係唔知做緊乜野咁，

佢果種教學方式明顯係……真係冇野講-_-

GEOGRAPHY MRS.HUNG同埋BIOLOGY MISS LEE呢，

雖然兩個暫時黎講都係NICE，長掛個笑容係塊面道，

但就成堂分組同派埋堆MEMORANDAM同BOOKLET；

PHYSICS既MR.LAU仲要係目前最那個既，

知道比佢教果刻不停催眠自己佢會教得唔錯既，

但理所當然想像同現實根本就係兩回事，

自我介紹已經兩度講話I AM MR.LAU -___-

其實我好想講我聽得真係好清楚……

編座位好有問題，好似愈矮就坐得愈後，

佢把聲……完全聽唔到佢乜野，

果個連堂就好似成班係度自修，佢就有自己講咁><

咁樣搞落去想上堂唔訓著都真係唔簡單啊@@

唔知點解呢個星期都仲係好似未回魂咁樣，

五日入面得果兩日係準時跟鬧鐘起身，

我真係唔知道自己幾時變到咁懶床@@

呢年就唔洗做TOPAZ既COMMITTEE，

但如無意外就會成為CME SOCIETY既一份子，

因為早幾日MISS LAW黎搵我地問下有冇興趣，

話係主要負責編制啲比低年級同學既教材=)

至於我又冇去到MUSIC CLUB個第一次會議，

所以仍然至今未能夠CONFIRM今年個職務:O

正式上堂左大約一個禮拜到，坐係老師檯正前方，

其實間唔中真係有種無形既壓逼感哈哈XD.

感覺上就係你既一舉一動都係比人望到實@@

成班同學都仍然靜到就黎比老師投訴既地步-V-

即使個老師教得幾好，仍然係冇咩人理佢地v_v

慶幸呢個星期都冇咩功課，但睇黎都要做定心理準備XD.

呵呵黎緊個星期四有場羽毛球友誼賽，

要同張振興打雙打，好驚會遇到比人炒既情況-V-

不過黎緊有塊新拍用喇，真係好興奮啊嘻嘻！