事先聲明，呢篇係總結成個中二生涯，
如果閣下怕面對一連串既字，我建議你都係離開喇:P
七月十三日，四點幾起身既我返學前會合佢地，
同啲禮物影左啲相同埋執左少少手尾就返學喇！
其實呢日都幾矛盾，好想知道自己係咩成績外，
仲想見到班同學同埋老師，但擔心既就係分班……
由於我地係最佳班會，所以可以坐禮堂睇頒獎，
終於輪到我上臺講SPEECH，但係今次感覺唔好受。
唔知自己做乜野神經刀有Q-CARD唔攞，練記憶，
結果咪就係得一個，就係緊張、樣衰加大鑊X_X
不過無可否認係我段疑似爆肚既SPEECH入面，
所講既每一句都係事實，都係我成年所見到既野：
諗番起今年中二學期初果陣時，成班2A簡直係散沙，
幾乎每個老師都話我地靜，被動，學習態度差劣，
即使過埋個2010聖誕派對都好似於事無補咁，
仍然係分成前1A`1B`1C`1D同1E既「舊黨」……
但係隨著時間既流逝同埋各個比賽中大家既磨合，
2A班可以話係成個F.2中最團結，TEAM SPRIT最強既。
諗番起全方位學習日大家食飯果陣時係口水大交流，
碟餸仍未完全放係轉盤上面已經比班餓狼搶晒，
而啲筷子係每碟野道炒黎炒去，都惹黎唔少笑聲；
隨後既LYRICS WRITING COMPETITION功勞最大，
歌寫得好、詞填得好都唔再講，重要係好多同學請纓一齊唱，
最後MISS CHUI係讚到天上有地下無，仲比左好多機會我地，
就好似校內全方位學習日我地以全校冠軍企係個檯道唱，
雖然果日落雨有阻滯，但啲雨完全冇撲滅我地心入面團火，
另外雖然係家教會就職典禮上表演得唔好，惹黎內哄，
但如果冇內哄，又點可以係FACEBOOK群組見到我地係幾咁包容。
每個同學都互相鼓勵，冇去埋怨對方，其實真係好溫暖，
宜家睇番其實都好感動，呢種感覺係1A係試唔到架A_A
正如一位老師講過：呢首歌淨係屬於我地今年2A班，
而唔係上一年又或者下一年既，真係太感動喇T_T
至於壁報板果道每次大家都係付出無限既無思去整，
即使送比陳老師果份最有心思禮物都係全部DIY，
我衷心講一句：2A能夠攞到最佳班會呢一個殊榮，
能夠威震全校唔係因為班主任，唔係因為其他任教老師，
而係班上每位同學付出既努力同團結之後既力量所得番來既！
之後我地返列班房就派左好多野，等我講最重要果兩樣。
話說陳老師按個別同學寫左啲心聲落張書簽道，好有心思啊！
而第二樣野莫過於成績表，派果刻基本上係心跳加速@@
點知我接左份REPORT，淨係睇名次，應該係B班！
幸運之神眷顧，我地好多都好似原班升上去咁樣，
只可惜同ALEX`HENRY唔同班，唯有平時多啲去食晏啦:)
至於成績方面就更加神奇喇，下學期可以話係爆SEED，
全年個名次都係因為下學期拉高晒有十五，呵呵！
最後我地講左句「陳老師再見」就為中二生涯畫上完美句號。
放左學我地就送禮物比各位任教既老師，
其實我地見到佢地個樣係開心、滿足或者驚訝，
就會覺得之前所花既時間係冇白費既，
係呢度係咪各位老師鍾意啲禮物同埋彼此既友誼會長存心底=)
英文老師MISS LEUNG`質素無疑較TOP既一位。
鬧我地唔團結同態度差最嚴厲就係你喇，
但其實你都係想我地好，只不過情緒方面呢……
好似之前篇《有感而發》都講過啦，
係班ELECT班讀就預左老師對大家既要求更高！
而係五月廿五日發生既課室大屠殺事件唔多唔少都有影響，
大家比佢鬧完都係抱住同一個目標：唔可以比佢睇死，
我地2A係精英班，你要求既野我地一達可以達到！
數學MR.CHEUNG`相處左兩年既薯仔，
成日自稱十七歲既你對我地真係好好，
基本上都唔係點樣記名，上堂亦都好……靜:P
今件記名既速度比上年係天壤之別，好犀利。
每次唔明係MSN問親數你都係唔明解到明，
有時仲畫埋出黎，雖然畫得真係好樣衰;O
仲記得有日你失聲用電腦個記事本溝通，
真係好得意！你既反應同抽GOODER係最深刻，
當然不得不提就係我地的確最鍾意聽你走音。
科學MR.LI`一個好多「人生道理」既老師=)
其實著重輕鬆教學既你都教得唔錯，起碼有GAG，
至於果次JACKY瓜田李下就真係好好笑，
學期尾你仲每堂諗啲唔同既實驗做DEMO比我地睇，
其實你既心機我地都係有眼睇架@@
總括而然，你竟然係外表斯文，內裏……哇哈哈！
人文MISS LAW`同樣係相處左兩年既老師。
你果個招牌笑容同永遠唔僧鬧同學既樣最深刻，
但正正因為咁，我地上你堂就係最嘈既，
其實有時好後悔點解咁樣？你每次都做足準備，
整好晒啲溫習問題，但我地似乎冇好好珍惜:(
你既耐性也許比任何一個老師高，對我地班更係異常好，
你請我地去班房睇戲，同學冇位坐果陣時，
你就係第一個將自己坐住果張奉獻出去A_A
一個為學生多過為自己既老師……真係千載難逢。
中史林SIR`搞笑棧鬼，扮女人同太監入型入格，
雖然次次都係大叔前同埋大叔後，但個名真係好正。
成日用唔到既組織去幫我地記史實，真係好POWERFUL！
最深刻既就係蘋果、男仔、貓仔同埋狗仔@@
最後仲要唔提會被殺頭既班主任陳老師:)
我仲記得最初開學果陣時我係話佢效率一般同成日唔記得野，
「論盡」兩字更成為佢既象徵同我地2A班全年既佳話。
但係佢其實某程度上好有耐性同埋對我地好NICE，
仲記得有次佢鬧我地成績退步同學習態度，用左廿分鐘-O-
其實坦白講陳老師真係幾搞笑，
佢見到啲昆蟲個反應簡直一流，笑死人。
最經典就係佢講過自己細個既夢想：戲院帶位員；
又成日講童年最好味既孖條同埋電視節目XD
有次佢仲口快快咁話咩「種魚養花」，真係笑到想死。
間唔中佢讀同學寫完果啲文章，
就會同大家分享晒堆笑料，跟住自己又笑埋一份。
「你地唔出聲丫嘛，姐係冇問題啦？好∼」
「下，做咩冇人答問題架，平時你地好多野講架喎！」
呢兩句每堂中文堂都錄音式咁播出黎，聽親充笑:P
離開學校諗住去練波果陣時，突然醒起要睇名次，
睇到自己全年成績個排行榜榜上有名：
Came First in English Language，
果陣係成個人HIGH到彈起左，我終於成功喇！
差唔多五點鐘，其實係咪有少少過左火位呢？
但其實我對呢啲時間真係麻目晒囉x_x
原來打QZ都可以打通半個頂，真係唔簡單V_V
話說聽朝打三粒鐘羽毛球-O-死……各位晚安喇！ |
