話咁快就已經黎到六月既最後一日，

距離正式放暑假既日子愈黎愈近，幾唔捨得:(

上次打完QZ之後結果訓得果兩個鐘就要返學，

六月廿七日我係係嚴重唔夠訓既情況下派卷子。

同樣，其實我本人都叫滿意IH`IS`CIT同中史個分，

即使呢四科全部都高過80%，不過比我更加既人仍然有好多好多。

不過唔緊要，值得高興既就係今次數學真係做得好小心，幾高分！

至於差開普通話就繼續普通，其實我應該為合格而感到恩惠:P

另外份英文作文都係全級改過，唔知MISS IP係咪次次都係救星呢？

原本既MARKER重新諗過個評分準則，我就好突然咁高左十七分，

其實真係好開心，始終作文佔既比重好大，宜家起碼冇拉得咁犀利:)

六月廿九日終於可以打羽毛球，話說我都已經差唔多兩個月冇打-V-

慶幸今次仲識得開波同殺波，冇受到時間既影響而廢左武功-__-

今日返到學校仍然係……一個TALK接住另一個TALK，唉！

啲內容基本上似曾相識，冇錯因為同上年所講既差唔唔多係一樣._.

MR.CHEUNG今日黎左我地課室請食糖，嘿佢啲反應真係好正；

至於陳老師亦都正式宣佈我地2A係本年度既最佳班會，

其實可以話係實至名歸啦，哈哈！我都係時候要諗到得獎感言-V-

呆坐左大約兩個鐘之後終於可以去睇下F.5既ART EXHIBITION，

坦白講果陣真係好多人，每間課室就逼滿晒中一同中二既同學，

完全冇咩心情去繼續睇落去，唯一覺得既就係5D唔錯，嘻嘻=D

最後我同RICKY留左係禮堂REHEARSAL果兩首四手既歌，

因為時間既規限，我地被逼要練速度，

五分鐘內彈晒TEA FOR TWO同HUNGARIAN DANCE……

話說禮堂個琴既KEYS好鬼死實，加上兩首歌又快，

我同RICKY都要用好多力要有聲，果日要最好狀態演出真係唔簡單。

彈完之後就一直留係後台，無所事事咁樣，好彩有時都可以傾計A_A

搞到兩點鐘果陣時我地終於功成身退，去左大家樂就食野-V-

夜啲舅父又會上黎食飯，打機就當然係例行公事，

但始終我隻手指都未好番，係咪唔應該比佢再咁操勞？

聽朝就上廣州，三日兩夜，當係搞左CAMP咁耐休息下都好。

哎呀宜家又三點幾喇，訓唔著既感覺真係好討厭，

岩岩已經聽住歌咁睇左一個鐘書，奈何都催眠唔到自己。

不過訓唔著都情有可原既，嘻嘻！因為連續兩晚都係四點半訓……

仲要兩晚都係媽咪舅父佢地打麻雀，真係開心死啦-V-

話說呢兩次我落場打果陣都食左好幾鋪牌，成績都唔錯:)

跟住今日仲要訓到三點先起身，真係好耐都冇試過啦，

感覺就好似大昏迷咁樣，實在太太太爽啦，呵呵=)

夜晚就過左深水步間松屋道食放題，果然係最多款同最好食既一間，

雖然呢次啲馬刀貝太硬；不過啲三文魚同埋魷魚都幾新鮮，

至於啲天婦羅蝦同埋串燒牛脷都冇失水準，宜家諗起都想食。

另外最值得推介既就係芝麻雞翼同綠茶雪糕，呢晚都算食左好多野:D

話說呢排成日都有鬼咁多壓力，搞到成個人都好似死死地咁樣，

不過唔知點解每次食金莎同埋HAAGANDASZ就真係會開心啲，仲食上癮咁:P

跟住呢排隻手指公又痛到癲，應該都係上次溜冰扭傷:(搞到宜家旭既幅度好小……

唉聽日又要返學等派卷，話就話米已成炊，考得好唔好都改變唔到，

但始終都會擔心架嘛！我唔奢望啲咩，只要每科唔會樣衰就已經足夠喇。

宜家只可以同自己講一個字，仍然係LUCKY，嘻嘻！

但係呢刻比較CONCERN既係我聽日起身個樣會點，熊貓人？

嗯對住啲書同電腦咁耐，個LENS應該都幾厚周幾攰架喇，所以都係各位晚安。

提外話，我真係好ENJOY塞住耳仔聽歌咁打QOOZA，哈哈！