四月廿四日，生日既前夕就去左灣仔間六國酒店食BUFFET。
雖然個價錢唔稱得上好平，但係都芥做物有所值既=)
唔知點解呢次好似食得唔算好多野咁樣，
不過果道既雜果沙律、粟米沙律同埋啲前菜都好味；
至於仲有翡翠螺同四款魚生，比較普通既都係三文孫同埋墨魚啦。
熱盤就冇咩特別，羊架唔算好食；牛扒就慣性好ROUGH，
但係值得推介既係一個煙三文魚蘑菇白汁意粉:P 另外仲有粉同埋粥，自選配料！
最後就有甜品，亦都係最吸引既，呢堆甜品真係令人回味無窮:)
細細件既蛋糕仔唔再較，款式亦都有好多，有PANCAKE，
CHEESE CAKE同埋TIRUMISU都係隨處可見，
至於食番十幾杯雪糕都可以回番本啦，因為係HAGANDAZ出品既……
最後搶手貨就係新鮮出爐而熱辣辣既心太軟，唔算甜，極度好味-v- 食左幾杯:P
返到屋企都係十點幾，只可惜SARA話佢係朋友屋企，唔可以準時同我講生日快樂。
唉，其實都真係幾失望，始終佢講既一句真係勝過好多人。
差唔多十二點果陣時，JASMINE終於按照先前既約定上線啦，真係好開心！
由果刻開始，我地一直傾，講左好多野，佢仲祝我可以快啲同SARA一齊，
至於詳情內容，都係睇番果日既MSN對話紀錄比較精彩………嘻嘻。
呢晚最後都好夜先至訓，其實都冇咩所謂啦-v- 因為生日大晒嘛！
四月廿五日朝早落左筲箕灣攞左兩個蛋糕同埋食早餐。
抵達左其中一個姑媽係石澳既屋企之後，就已經好興奮;)
跟住愈黎愈多人黎到，而我收到既利是亦都愈黎愈多，哇哈哈！
好多表哥呀，姑媽呀，姑丈呀，全部都係道，真係好好好開心。
過左冇幾耐我地食左兩個蛋糕之後，就係石澳周圍行，
話說我十四歲，嘻嘻，都未試過行到去石澳後灘，
更何況呢日仲要企係一個可以遠觀石澳正灘既山頂道，實在太開心啦！
係微風既吹拂下，睇住個一望無際的海，就算流左咁多汗都係值得既，
唔只添呀，呢日仲影左好多相，簡直能將最美好既時光全部記低晒。
返到姑媽屋企之後，時間都唔早啦，而呢日既大餐正式揭開序幕，
班姑媽一方面打緊麻雀，我地就開始食前菜，就係薯仔沙律同埋煙三文魚:)
之後就燒左幾塊大牛扒同埋羊架，實在太好味啦，啲肉香到呢………
此外，仲燒左啲好大條既腸啦，跟住又有多春魚、什菜等美食，
嘩嘩嘩，實在太吸引啦，連續兩日食大餐既感覺實在太爽啦XD
呢個時候，四周圍都漆黑一片，成個人攤左係張櫈上面，
仰望住頭頂上既繁星，好寧靜，間唔中仲有幾架飛機駛過，
係石澳呢啲算係郊外地區既地方，睇星星已經變得好平常啦，
奈何平時留係屋企望出窗外，往往就只有高樓大廈，
如果以後都可以係石澳呢個地方住你話幾好呢？嘿嘿！
最後我地食完西瓜之後，就跟表哥架車奔馳番去大潭道，
再次連續兩日好早返到屋企，感覺就有少少無所事事咁樣，
上到FACEBOOK睇到好多句既HAPPY BIRTHDAY真係好開心，
而我亦都好有耐性咁樣逐個覆番佢地，禮尚往來嘛！
雖然SARA係FACEBOOK偷步同我講生日快樂，
但係咁樣我覺得冇咩所謂，只要佢係第一個同我講呢句說話就已經好滿足，
另外MAN都係FACEBOOK祝左我好多樣野，
至於BREAD`JOJO`CHRISTINE同JASMINE仲特登SD短訊比我，
大家真係好有心思，多謝晒你地既祝福喔，我真係好開心。
但係呢日完左之後，我同自己講由聽日開始就要努力溫書啦:( |
