五月十五日係媽咪同埋爸爸既ANNIVERSARY，
夜晚就去左上次我生日前夕食自助餐既灣仔六國酒店。
呢日食左既野基本上都同之前果次差唔多，
唯一美中不足既就係冇提供果個雜果沙律同埋白汁意粉……
今次仲自製左個格仔餅，加埋啲牛油、錬奶，都真係幾好味！
至於HAGANDAZS雪糕同心太軟仍然係我既至愛:P
另外再食左碗我覺得幾綿既粥、薄得黎唔ROUGH既牛同埋腸。
我地見食得咁飽，就慢慢當散步咁行去灣仔碼頭等車，
企係咁多掛住霓虹燈廣告牌既大廈下面，吹住微風真係好服:)
五月十七日既P.E.堂，原本跳民族舞既我地最後因天氣問題改打手球，
做番啲基本既動作之後呢，我已經好不幸咁比RICKY搞到督魚蛋。
之後我地六個RAYMOND`KIT`HENRY`ALEX`RICKY就組隊玩GAME，
我地既力量或者太強啦，屢戰屢勝，我仲好成功咁入左一球，真高興。
話說呢樣運動雖然走動好多，又有好多唔同既規則，但係個感覺真係好爽。
話說呢日著左件背心，露左啲肌肉，搞到啲女仔又有少少癲癲地，
又話好多MUSCLES，可唔可以禁下……我都唔知開心定唔開心好:$
呢日放學我地班為左黎緊星期六個AGM又去左音樂室練首歌，
慶幸大家好快CATCH UP番，衷心希望果日表演唔會失準。
五月二十日，V.A.堂仍然係搞緊果塊版，預備要印落另一張大畫紙道，
至於H.E.堂就整左個幾鬆軟既SPONGE SANDWICH，真係幾開心=)
英文堂就係ORAL EXAM啦，話就個個既內容都真係差唔多，嘻嘻！
差唔多輪到我果陣時，個心跳又係慣性加速，感覺絕對唔好受。
正式講果陣時都冇咩特別，但係愈講就愈緊張，仲手震同埋腳震;S
最後個時限果左，我唯有讀快啲啦，點知就中招，SPOIL THE WHOLE……
五月廿一日，我地2A班再次公演既重大日子。
返到學校之後，唯一可以做既就係呆坐，加上出面落到鬼咁大雨……
等左一段時間之後我地終於齊人啦，呵呵！練左兩次之後就往禮堂進發！
終於正式輪到我地SHOW TIME既時候啦，點知問題逐漸出現：
首先就係我地某啲伴奏既同學冇攞譜架，搞到要圍左個電子琴……
呢個基本上都唔會有咩太大影響，點知DEXTER最初搶風頭，
把聲線唔太準都冇咩所謂，問題係佢攞住個咪唔知做咩唔傳，
之後ICY又搶埋CHRISTINE果部分黎唱，破壞晒。
總括而言，呢日既所謂表演真係獻醜啦，搞到事後有啲內哄問題。
離開學校果陣仲係好大雨，冇帶雨傘既我就膽粗粗咁去搵MS. IP求救，
佢自稱果把姐個PATTERN好花，一再問我介唔介意，
我諗住有把姐住起碼好過比雨淋，所以就借用左把姐。
佢仲再三叮嚀我唔好整唔見個姐套，好珍貴架喎！
估唔到只係教左一年、相處左一年既老師會咁樣對待我呢個學生，
以岩岩有次返學問佢啲PHONETIC SYMBOLS應該點樣寫，
佢不厭其煩咁講左再講，我真係搵唔到有第二個好過佢既老師。
最後我要再次恭喜，親愛既黃依蘭老師、羅涴淇老師、徐燦玲老師、
張羅詠恩老師同至高無上既葉灼媚老師榮獲最佳老師選舉既榮譽。
夜晚當我瀏覽FACEBOOK果陣時，見到兩段野，
先係OSCAR張貼既一段鬧人內容，講番DEXTER今日件事；
再係DEXTER係2A群組張貼既道歉書，內容雖然無咩特別，
但係最令深刻既就係我地每個人留既言，同所講既鼓勵說話，
呢種感覺真係好溫暖，坦白講我反而係1A未必感覺到，
大家既包容同埋團結的確係勝過一切，睇完呢段野真係好感動。 |
