呢刻完全冇人係MSN同埋FACEBOOK，

想搵人傾計消磨時間根本無可能/_\ 唯有打QZ~

早幾日去左睇下NEW-BORN既表弟，

話說佢訓醒之後眼仔碌碌咁，真係好得意*V*

至於尋日成個晏咒都留係屋企執房，

全程對住一箱箱既玩具`書同埋蠟雜野:P

為既都係要騰空啲位置買個新櫃，呵呵=)

搞左五個幾鐘，終於都清空左好多野喇！

前日朝早去左睇《哈利波特：死神的聖物II》，

為左搞番清楚啲關係，前晚漏夜睇番PART I，

不過後尾發現兩者其實關連真係不太大@@

坦白講哈利波特每集我都睇晒，但始終冇次係特別深刻。

話說岩岩睇完係覺得不外如是，冇咩特別;O

但夜晚睇番其他人寫既影評之後再諗番起啲劇情，

好自然咁樣產生一種共鳴，好有衝動睇多次:D

回想番呢，其實呢次結局篇都有唔少感動位……

話說石內卜最尾比佛地魔條蛇撲埋去咁咬果刻，

MAN同BREAD就嚇到彈開左，個反應真係好搞笑！

理所當然佛地魔最後灰飛煙滅，為整套哈利波特畫上完美句號。

之後食完PEPPER LUNCH之後去左鰂魚涌公園，

呢日發現自己原來唔識打鞦韆，最初係FING極都好低-3-

眼見HENRY`MAN同BREAD咁高，好自卑囉lol

後來經過一番指導終於……高左好多:P 好自豪同埋滿足喔！

之後我地四個去左行玩具反斗城，途中見到MR.HUNG~

十四歲既我地係呢個地方逗留至少一個鐘，

周圍玩專比BABY既公仔，總之就乜都搞一大輪，

我地見到啲吹氣既戶外泳池仔，話下次要係HENRY屋企紮營，

仲要生火煮野食添喎，成班人留係個帳幕(?)入面，感覺好正*V*

最後我地四個係麥當勞JOIN番CHRISTINE繼續HEA落去，

坦白講我真係好鍾意咁樣圍住不停玩同不停傾計，哈哈！

七月眨下眼又過埋，感覺上好似快左啲喎A_A

我都唔明點解七日內有五日都訓唔著，

咁樣搞落去都真係唔係辦法*O*

由細到大，旅行係我眼中既定義係要搭飛機，

同埋就係要離開香港範圍內先至算，

而對上果次已經係2009年去韓國果次，

最深刻既莫過於搭凌晨機，五點落機果隻=)

隔左2010個琴試後，今年決定去山東省見識下-V-

港龍機降落青島機場之後就搭長途車去左濰汸，

呢個專出產風箏既地方真係冇乜野睇；

泰安市就坐立左座泰山，奈何呢日好大霧，

搭完纜車去到山頂之後好似身處仙境咁，

周圍都白濛濛，好可惜既就係乜都睇唔到><
濟南，比較多湖泊既一個城市，但景點都係寥寥可數，

值得一提淨係得大明湖，特別既就係多楊柳同荷花:D

呢次就係搭和諧號由濟南去青島──成個行程既重點。

奈何和諧號又係不外如是，個掃地阿嬸真係激死我:O

佢個服務態度簡直不知所謂，抵佢一世掃地:@

呢個經濟比較上發達既城市的確同其餘差好多，

企起個小魚山公園就盡收青島全市景色落眼底，正！

由於青島曾經比德國佔領過，啲屋頂全部用紅瓦，

而個牆身全部都油晒淡黃色，真係好特別=)

加上果道好多樹蔭，條風吹埋黎又係好舒服，哈哈XD

另外參觀個啤酒廠果陣時真係焗到出晒汗@@

睇完生產線當然派啤酒啦，真係唔太岩我飲，

啲味幾淡同埋太苦澀，都係飲番JOLLY算啦，呵呵:)

呢次行程既膳食同住宿個質素都好極端，

有幾間餐廳個擺設都好奢侈同埋太誇張，

至於每餐啲餸都係薯仔絲、水餃-V-

間唔中有啲咩炸豬肉條、炸魚，或者加錢食鮑魚:P

至於酒店有啲成間旅館咁，有間就有埋健身室X_X

題外話，果晚玩左三十分鐘，消耗左七個卡路里:)

至於個導遊整體黎講都唔錯既，

雖然因為我地唔買佢提供既產品而發脾氣，

但係佢做既功課都好充足，絕對值得欣賞LIKE!

對每個城市，甚至每個景點都好了解@v@

比較諷刺既就係每次臨返香港先同其他人有野傾，

特別係其中一個小六既女仔，雖然好醒目，

但係樣貌同埋實際既年齡同智商係唔成正比:O

不過好多時佢講親野都笑鬼死我地，哈哈！

話說有次食飯果陣時，佢家姐同我地傾開計，

發現大家都係天線得得B年代既人，真係難得XD.

山東，一個偏北既一個省份……不予置評。

雖然青島周圍既建築物都好靚，甚至每日都見到日落，

但係其餘既城市就真係有點兒那個，

總括黎講，呢啲地方去一次就已經足夠喇，哇哈哈！

係時候諗定下次去旅行既目的地嚕:P諗起都開心。

差唔多三點鐘喇，每位晚安，聽朝又要打波~