感覺上好似好耐冇更新過咁樣@@

所以決定就算冇咩野寫都打下~

又係一個打波前夕既晚上，救命！

淨係記得八月十二號真係玩到好癲，

絕對覺得它變成生活不可或缺既:S

夜晚同爸爸食完飯又身痕去左打韆鞦，

自從上次之後，發現鰂魚涌公園好適合我，

諗番起細個果陣成日黎呢度玩，

都真係留低左唔少腳毛同埋回憶，哈哈:D

坐係韆鞦同FING黎FING去既馬上面，

個感覺真係好似好細個咁樣啊，嘻嘻:P

岩岩個星期六終於去左訂造傢俬，

自己間房又要放多個書櫃，

始終宜家咁樣裝唔晒學校書`小說

大型既BOX FILE同埋堆多啦A夢漫畫:)

至於媽咪佢地間房又要換床架嚕，呵呵！

只要過多三星期屋企就會變到耳目一新，期待！

至於呢幾日仍然係大部分時間留係屋企發臭XD.

之前提過果本CHRISTMAS CAROL終於睇完喇，

雖然好多個字都唔明，但總算了結閱讀報告既心事-V-

宜家決定全速前進一鼓作氣咁睇埋啲中文書啦*V*

至於其餘既進度……無奈地講句仍然係一樣:O

其餘既時間都係不停MSN，已有上癮跡象X_X

淨係知道自己一日比一日傾得多，咁樣點搞好@@

嘻嘻，表弟終於滿月喇B-) 恭喜同祝佢快高長大XD.

聽晚就同呢個醜八怪食飯，諗起佢訓教個樣就好開心:)

而星期五就係1A去石澳燒野食既大日子，

要預備既野基本上READY晒，

但唔知點解今日寫議程仲可以諗到一大堆事項-O-

點都好啦，希望果日天氣晴朗，大家玩得開開心心啦=)

距離中三開學既日子進入倒數階段，得番兩個星期，

宜家既心情好矛盾，期待返學但又好似未玩盡咁樣-V-

永遠都係返學等放假，放假等返學-___-

哎諗唔到仲有咩打喇，各位晚安=)

呵呵，呢幾日食韓國隻MELONA雪條上癮，

真係好味到要隔日食番條囉哈哈！

話說前日朝早打波，打完係有想死既感覺。

步法跳繩呢啲MUST-DO既野都唔再講，

最悽慘既就係練體能果陣時……殺左我算啦:O

但我最後落得既下場就係尋日起身果陣時，

個背脊同埋雙腳既肌肉硬晒，幾乎行唔旭X_X

你話點算好？未休息去又話要再練喇@@

返到屋企洗緊臉果陣突然見到有隻蟑螂，

其實我果陣時都唔知點樣做好-___-都幾恐怖，

因為從來未試過有隻活生生既動物周圍跑，

結果就向住佢既方向噴左幾下殺蟲水，

但呢個舉動淨係逼到佢走出黎同整到佢暈暈地，

最後就瞄準目標，成隻拖鞋車左埋去，KO*V*

認真驚囉~_~話說清理屍體仲要近距離望住個衰樣:P

尋日就仍然係HEA住黎過，完全改變唔到:S

其實望住數學果幾課啲數真係煩到癲，

完全搵唔到任何動力去推動自己做囉，唉！

唔知點解搞到個感覺好似期考前溫書咁@@

閱讀報告始終唔可以本本都REUSE再REUSE，

奈何自己睇親英文書就好似好眼訓咁樣，想點V_V

果個封面設計又係，但目前淨係諗到「求其」兩字，

呢幾日又唔知咩事，MSN同FACEBOOK長期少人……

慶幸唔係日日都百無了賴，如果唔係已經悶到發左癲:D

轉頭又要返學校練波，其實今次好想偷懶-___-

因為我果兩條腿仍然好痛，好驚啲肌肉已經傷左-o-