哇哈哈，等我一次過POST三篇啦！

先係人性極限，後係變形金剛，宜家終於到呢篇:)

尋日晏咒就同「床單上的友人」去左HENRY屋企，

其實呢個TERM係某人提供既，都幾有趣XD

呢日我地去到佢屋企都係參觀佢間睡房啦，

仲搵到好多佢小學既證書、成績表同埋其他相，可愛！

至於玩番既野都同果晚通頂既差唔多啦，

KILLER、冚綿胎、鋤大DEE同七級豬已成為必玩-__-

再次慶幸七級豬唔洗輸，仲冇心咁FAKE到CHRISTINE:)

至於呢日RITA又再提議玩捉盲雞，丫係耍盲雞:P

好彩我地今呢個GAME都玩得好安全，

亦都冇將HENRY屋企啲擺設全部掃走晒，呵呵！

雖然HENRY呢日好毒咁係咁打機，但無疑都玩得幾開心@@

同KIT LEUNG搭車走果陣時，佢好搞笑咁係咁講，

我下年唔要同啲傻仔一班呀！成班都低B既！笑死我XD

今日朝早約左JASMINE`RITA`HENRY同RICKY去打波，

好耐都未試過成日都係陽光普照喇=)

最初HENRY話唔識打驚獻醜，點知我地比佢FAKE左:@

打完波佢地上左黎我屋企道玩*V* 呢排成日有人黎:)

點知佢地黎到之後係咁發掘新大陸，

同樣都係我細個啲相，小學成績表受到牽連x_x

最嚴重既就係連個書檯個櫃筒都唔放過-O-

搞到我基本上涼又唔夠沖，廁所又唔敢去，哇哈哈！

之後我地玩左鋪鋤大DEE就攞左副麻雀出黎._.

坦白講其實我都有段時間冇打過，都有少少技癢。

跟住我地教埋JASMINE點樣打就正式開始喇=)

仲記得打打下我地就因為唔同原因就BREAK左啦，

點知JASMINE係上腦上到個地步係催我地繼續玩x_x

原來麻雀既威力係咁犀利架，真係可以沖昏人既頭腦@@

我地個個都係打打下無啦啦係度笑-__- 不能自拔既地步-O-

結果我地係癲到一路食杯麫一路打，真係好有爛賭既感覺……

HENRY仲要係HIGH到食埋JASMINE個杯麫，口水大交流:P

哇呢次真係玩得好開心啊~期待下次同樣既機會，呵呵！

之後就去左JOJO屋企傾1A聚會啲野啦，

奈何路痴既PHOEBE唔記得落車>.<　天啊！

最後我地就傾好晒啲時間、遊戲同埋費用，

仲基本上問晒所有參加者添囉，好耶。

後黎PHOEBE無啦啦講咩通脹既PERCENTAGE-___-

其實某程度真係比佢呢種反應同性格激死囉LOL

最後屋企就剩番JOJO`我同埋CARMEN，

就玩左幾鋪迷你麻雀，其實啲牌真係細到喊T_T

仲有鋤大DEE同埋梭哈，結果我就做左個大贏家，呵呵:O

話說宜家已經一點幾喇，距離再次起身仲有四個半鐘X_X

啲行李就以LAST-MINUTE PACKING既形式搞定晒XD

超級期待未來五日既青島之旅=) 各位晚安同再見喇:P

噢其實我都係手癢癢，等我打番篇先=)

話說出面行雷閃電加落雨，都唔知想點A_A

話說上個星期先至去完長洲返黎，不足一個星期，

又要開始籌備1A班既GATHERING，加油啊！

岩岩果個星期日既朝早我既表弟出左世喇，

如無意外既話佢地兩姊弟都係叫俙澄同俙汛。

不過話時話家姐寵得太犀利，湊得太機械化，

每日定時定候食飯同訓教，你唔好果段時間騷擾佢，

叫到媽咪猜乜反應咁，又唔帶佢出街，

日日都係兩父女你眼望我眼，搞到阿妹怕羞，

除左佢爸爸之外就完全乜人都唔跟-V-唔知細佬會點？

果日仲睇埋《變形金剛：黑月降臨》，話說頭兩集都有睇，

又點會捨得比自己放過第三集丫，呵呵！

成套戲以所謂既3D播放，但效果只適用於啲字幕道，

初段劇情過得好慢，真係睇到有少少眼訓。

不過最尾既打鬥場面依然好精彩，同埋好清楚，

起碼睇個樣都知道係邊隻博派，邊隻狂派，

另外再加左好多近同慢鏡，同第二集沙漠果度差天共地……

值得一提就係大黃蜂拋走個人，變完身再接番真係嘆為觀止。

話說星期一朝早打左三個鐘羽毛球已經殘晒，

狀態唔好既我呢日仲要超快流勁多汗同埋零體能可言。

之後就同左吳卓文去食飯，都傾左好多計，

不過主要都係圍繞番我遲啲中四簡科同埋羽毛球技巧@@

最初仲以為佢COOL爆，但識落其實都好易相處:)

夜晚仲好左瑪麗醫院探下姨姨同埋岩岩出世既BB。

呢個阿B呢個口好大，喊起上黎都好淒厲同大聲X_X

其實我仲有個表外甥早一星期出世，加上其餘幾個，

呢段日子玩B都真係會玩到笑喔，嘻嘻！

七月十九日晏咒就返左小學搵下啲老師同同學，

諗番起對上果次返去都已經係二月既事，相隔多月。

每次返親小學都係自由自在咁樣周圍行，

慶幸好多老師到宜家都仲記得本人姓甚名誰@@

返到去都係周圍搵啲離職既老師影相:P

呢日見到個蘇姑娘都同佢傾左計好耐，亦都好開心，

我仲同佢講左好多開心既事，同埋搞宿營既野:D

見到咁多老師真係好開心，彼此既關係唔再停留係小六階段，

對比之下已經進化成為好朋友既關係囉，嘿嘿。

大家都係有講有笑咁樣，而我地亦都幫佢地手執野，哇哈哈！