我都唔明點解每次打波前夕都訓唔著……

話說呢個禮拜加加埋埋打左至少九個鐘，

每次打完都出左成身汗，冇晒卡路里*V*

而今日仲趁住咁熱既天氣去游水，

諗番起上次落水已經係成年前既事喇@@

浸係水入面曬住太陽真係好舒服，

奈何曬紅晒個身同痕得好緊要就好唔舒服:P

果堆好似做唔完既功課已經清左75%，

仍然係為三份閱讀報告同本數學而煩惱X_X

至於其餘時間都莫過於係長駐電腦前MSN:O

八月五日，一個行程排到滿晒既，

同埋由朝早六點踩到夜晚三點既星期五。

咁早起身既原因就係為左守承諾去打羽毛球……

即使呢日同班朋友打到好攰，

但回想起可以望到日出就真係開心到笑左出黎:D

之後JOIN埋RICKY`JOJO`RITA去左石澳，

就係為左行下睇影下相，準備1A燒烤既遊戲。

雖然呢日條街好似火爐，但慶幸石澳都好多風-V-

一切都好順利，而時間亦都係我既計劃之內:)

完成晒之後就四個人去左筲箕灣食野先散:P

夜晚舅父佢地又上左黎打牌，真係開心到笑！

最正既就係媽咪由南圈比我打到北圈尾，呵呵:P

可能見我好運，明明棄左糊仲可以自摸番隻絕章，

另外每次開牌都係好靚，結果贏左廿幾蚊咁大把._.

突然之間發現我既生活中多左樣不可缺少既野，哈哈！

哎喲又差唔多四點鐘，各位晚安喇=)

究竟我幾時先可以擺脫失眠呢個習慣@@?

由於今日好神經刀咁樣訓到一點幾，

所以宜家完全冇倦意，眼光光咁0_0

話說套潛行狙擊幾刺激，真係幾好睇，

特別係LAUGHING拉小明上廣洲果道-_-

呢段真係睇到冇野講，即場呆左好幾秒haha…

岩岩已經睇左本CHRISTMAS CAROL，

坦白講好多字都唔識解同內容幾悶，

加上諗到仲有七十幾頁就已經冇咩恆心。

至於功課進度還可以啦，做剩唔算太多，

奈何放暑假咁耐仲未有日係安心咁HEA._.

話說前日打波真係打到腳殘，好耐未試過，

連續三個鐘都未停過，真係…唔簡單XD.

好討厭既就係最初打果陣時係發波瘟，

打親就落網、殺親就出界，又唔夠力-___-

加上步法、雙飛跳繩、五場雙打兩場單打……

慶幸今次同個PARTNER夾得好左少少咁=)

後來校長又黎睇我地練，仲落場打埋一份@@

話說打完之後隻腳係酸痛，行步路都冇咩力:o

最近呢個禮拜都係酷熱、酷熱同酷熱……

基本上係忍受唔到呢種出街如蒸籠既感覺>3<

點都好，留係屋企聽歌同MSN係最舒服既*V*

至於1A個BBQ都搞得七七八八，幾順利，

可能係經歷過上次搞宿營既經歷學左好多野，

所以呢次對比之下真係好易搞，食菜咁樣:P

嘩有史以黎最短既一篇喔，因為真係冇野好寫，

淨係想訓唔著而搵啲野做「充實」下:)

四點鐘，好嚕聽朝又打波，每位晚安喇！