哎呀都唔知自己考試呢幾日發咩癲，晚晚都訓唔著，

最嚴重果次就係由訓係床果秒開始計，用左個幾鐘先訓著，搞到兩點半……

其實我果陣時又唔係擔心考試，只不過係眼光光望天光板-_-真痛苦。

坦白講我係搵唔到學期考試應有既態度，宜家個感覺簡直HEA到呢…

久違左好耐既壹號風球返左黎，再加上街上咁悶熱既天空呢…

所謂「萬里無雲」，又等唔等於「晴天降臨」？抽抽抽，呵呵！

望出窗外既天氣同我本人既「天氣」係完全違背晒-v-

話說今日主要考普通話同埋中史……兩科都可以用兩個字形容：死硬X_X

普通話慣性低分，今次都唔會有咩奇蹟架啦；

而中史就因為好多樣唔同既因素，至少被人扣左十分，

今次呢份卷更加唔會好似上次咁樣發生奇蹟，唉……

原本諗住唔SURE既MC留番後啲做，之後寫寫下長問答又諗番啲答案，

但又唔即刻寫番落答題紙道，唯有當自己用呢兩分買個教訓啦:(

唔知係咪背到上左腦既問題，今次答題果方面個腦好似唔識得轉第二個角度諗咁-_-

唔通對我黎講，「上次同今次既成績會180度轉變」係永遠不變既事實？

如果咁就好，至少IH唔洗太擔心……但如果唔係咁我咪比IH同埋中史呢兩科拉低？

我知道宜家講咩都冇用，唔考都考左，唯有用以下目標去應付埋之後果幾日啦;S

無論果日果科考成點，過去就係過去，執著只會浪費時間，倒不如努力追番，

就算情況幾差都唔可以灰心，盡左力就得:) <- 呢句野真係好有用:P

至於先前既英文PAPER I同II、SCIENCE兩份卷都應該冇咩太大問題，

話雖如此，我仍然唔敢抱任何期待，往往就係「希望愈大，失望愈大」。

五月廿三日，周會係四社問答比賽，

最囑目既莫過於其中三位代表者係來至2A既:P

分別就係PHOEBE`KEVIN同埋DEXTER。

奈何最後TOPAZ係慘敗，真係好樣衰*O*

至於呢日堂中文說話就考試，不知所謂X_X

抽到既題目好似係對於努力就能成功作評論，

照道理應該唔係好難同埋可以講既野有好多，

始終最近既課文都係圍繞住呢類題材。

但係我講完之後腦海中得發UP瘋同炒硬兩個情況。

首先講講下唔知自己講咩，開始有少少亂黎，

仲有種前言不對後語既矛盾感覺，

就係因為咁樣搞到自己個立場唔清楚:O
重點就係講完之後仲有三十秒，個老師呆呆地-____-

呢刻只能同自己講說話佔10%姐，唔好理喇:(

五月廿四日堂P.E.慣性要跳舞-V-

今年呢隻明顯難過上年，感覺上冇咁低B。

五月廿八日夜晚上演歐聯決賽，

雖然賽前又話咩球證旺曼聯，講到好似贏咁樣，

但最尾都可以話輸比巴塞輸得好精彩，

成場波曼聯淨係頭十分鐘有波落腳，

後面既其餘時間都係比對方猜到死死下，

無可否認兩隊球隊實力差好遠，曼聯下年加油啦！

六月一日音樂堂跳住咁睇歌舞青春三，

個結局真係好感動，搞到有喊既衝動，

就係因為CHOY以下既一句說話：

我簡呢間大學係因為距離你果間最近。

呢句真係好深刻同埋講得好偉大T_T
有刻曾經幻想過自己同SARA係點樣，好期待……