岩岩先至打左一圈，雖然幾好摸手咁食左兩鋪糊，
但最後就出番鋪雙響炮，哎呀好敗家仔啊，
慶幸媽咪之後食番幾鋪，拉番唔少錢，如果唔係就做左千古罪人啦。
話說呢兩個禮拜打牌打得幾密，都唔知係好事定係壞事:P
至於測驗之後果個禮拜就係要接受殘酷現實既時候，
我終於發現其實天堂、人間同地獄只不過係一線之差，
ENGLISH`比起上次退步，同最高果位有兩分差距，
再加上自己再次因為永遠改唔到既性格───粗心大意而損失兩分，
唯有靠下次繼續努力，個名次追到幾多得幾多，衝！！！！！
MATHS`即使求其搵個同學都高分過我，但起碼個分數係可以接受既，
就算其中三分又係因為CARELESS MISTATKES，我亦無話可說-_-
HUMANITIES`稱得上係打回原形，個感覺好似去番中一果陣時咁樣，
個分數同我付出既努力同心機係兩回事，完全令到我心灰意冷，
冇錯自己的確係背晒書，鬼叫自己測驗果陣時唔睇清楚題目？
CHINESE`分數比起之前最輝煌時間當然有一定既差距，
但係今次個結果已經比想像中既分數好唔少，奈何閱讀理解呢部分係炒:(
HISTORY`終於感受到升上天堂既滋味，希望下次可以再接再厲:)
SCIENCE`雖然感覺良好，但係始終覺得自己溫得唔夠熟咁樣._.
由於本年度既學期考試將會係三個禮拜後降臨，
呢幾個禮拜既QUIZZES同默書係多到數唔晒，極度痛苦><
五月八日母親節，朝早去左搞COOKERY PRACTICAL EXAM啲野，
同HENRY`CRYSTAL同SARA講定晒要買咩之後，就係吉之島行左勁耐，
買齊全部所需既材料之後就開始煮啦，我同HENRY負責整個意大利飯，
至於佢地兩個就合力整果堆薯蓉<- 其實我之前對呢啲野完全冇興趣-V-
奮鬥左個幾鐘之後，我地努力得番黎既成果終於放得上檯啦，味道唔錯！
正經野做晒之後都差唔多五點，我地四個就當然係亂HEA啦，唉……
差唔多夠鐘果陣時我就去左大戶屋就等位，哇哈哈，好孝順;)
雖然埋單果陣時我諗住我找數既，點知佢地話比信用卡喎-_-
而我最後就只可以請媽咪飲LATTE，食CREAM PUFF同埋食CAKE啦=)
唔知點解宜家對父親節、母親節好似愈黎愈冇咩感覺咁樣，
以前細個起碼會親手整啲野送比佢地丫，係咪大個左就唔會咁樣做？
希望佢地明白我其實真係好想有啲表示，但似乎這一切只能在心中。
五月十二日朝早有個頒獎典禮，而我就奉命上臺攞番張CERT.
從校長手上接過證書之後就企番埋去條班隊道，
點知個感覺好似企左係個蒸籠入面，啲熱氣由地面升上黎，
而我啲汗就不停係度流，由頭頂果個位一直滴落腳指尾，感覺唔好受。
一心諗住上到班房可以涼冷氣同飲水，點知呢刻先發現樽水係屋企……
好明顯呢日係事事不太順利，我唯有衝番落COVER PLAYGROUND飲水，可憐！
英文堂終於等到親愛既MISS IP黎監堂，只可惜佢基本上冇講過一句說話，
所以呢堂再次要用個「悶」字去作總結，哎呀:(
五月十三日，朝早起身竟然黃雨，啲雨大到咩咁，但學仍然係要返。
VA`終於搵到今次個TAST既方向，同時亦逐漸邁向成功啦，哇哈哈！
HE`話說呢日COOKERY PRACTICAL EXAM有少少亂，
我地做每樣野都冇上次練習咁好，而菜式賣相同味道都有少少比下去:P
不過唔緊要，粗略望到MRS. CHEUNG份MARK SHEET，低極有限:)
夜晚舅父上左黎，我極速做左少少功課就要招呼佢──一齊打機，哈哈！
食完飯之後佢地話開檯，呢樣野對我黎講其實都係伴好事，
嘩哈哈！我呢次終於可以坐正打足四圈麻雀啦，好耶XD
呢日其實我既狀態係極度好，雖然冇食大牌，但不停自摸，少出沖，結果贏左$120:)
就算今次贏咁多，下次都唔會再係咁，因為「輸錢皆因贏錢起」……
寄望下次再打台灣牌果陣可以好似今次咁樣，唔會太搏，
見到對家牌面有少少大同埋情況危險既話就好棄糊啦，嘻嘻！
四圈完左，一點鐘亦都過左，我見未眼訓就寫埋篇文，當然安眠藥咁做XD
最後再次兩點鐘先捨得搵番自己果個「安全島」。
好啦，終於清晒之前所有既內容啦，四鐘點我諗都係時候歸家啦。
話說呢日係我媽咪同爸爸既ANNIVERSARY，今晚又可以食餐勁架啦！
哇哈哈，今次又打得好長啊，各位請見諒，晚安。
|
