二月十四日情人節。朝早電腦學會叫左我`RAYMOND同DEXTER去攞獎。
原來我係中、英文打字冠軍，實在太開心啦，哈哈！
獎品就係兩盒一模一樣既唔好食朱古力，最衰就係連一張CERTIFICATE都冇-V-
之後陳老師就同我地調位，今次個情況唔錯，嘻嘻。
隔離就係陳詠姿，都幾NICE，應該幾容易熟絡；
後面就有PHOEBE同埋梁俊傑，前面就有ALEX同埋MAX，隨時隨地都可以請教人啦！
RECESS果陣時，黃頌雯走過黎叫我開左盒朱古力請佢呢個失戀既人食啦，
點知最後變左一窩蜂咁樣湧過黎，奈何果盒野又有薄荷味，又有杏仁味……
重點就係啲朱古力好甜，搞到我自己都冇咩興趣。
離開學校之前，CRYSTAL無啦啦攞住幾粒過黎，話替某人比我喎=)
坦白講我的確有少少開心，始終都係我既第一次。
原來係一粒DARK CHOCOLATE，好味！多謝妳既一番心意。
由於我地呢個星期五要錄STORY-TELLING，
所以放學MISS LEUNG搵左我地練左一次，冇咩特別。
我真係覺得MISS IP係一個極有耐性既老師，
我同PHOEBE身痕咁去搵MISS IP，諗住請佢聽下我地讀成點再比評語。
二月十五日我地LUNCHTIME走去搵佢，佢搵到個CRYSTAL一直都讀錯個字。
跟住佢見我地有啲迷網，仲親自演繹果個角色，等我地可以參考下！
二月十六日仍然係LUNCHTIME搵MISS IP練下，
佢呢日比我既評語同上次一樣，唔洗咁激動，讀慢啲，哇哈哈。
原本宜家打左鐘要上堂，不過MISS IP冇留意，係佢見到SARA個眼色先至醒起，
跟住佢果啲動作好快就沖左出去，笑鬼死我xdd
佢仲唔嫌我地麻煩，叫我地五個放左學去見佢講左少少野囉，真係好感動。
講真果句，一個任教緊既老師竟然冇上年果個咁落力，唉……
二月十七日午膳搵MISS LEUNG，佢竟然呢日先講讀錯晒brocade呢個字，
我地心諗，你究竟係幫我地定係害我地架-_-?
放左學之後例牌敲STAFF ROOM道門，請左MISS IP出黎之後，
佢就帶左我地去1A班房，真係好有親切同埋歸屬感囉=)
最搞笑既就係我地幾個偷偷摸摸咁，廢事比其他人見到啦xdd
呢日佢聽晒我地讀完之後，讚我地WELL DONE，睇得出放左好多EFFORT落去，
改埋少少OPENING同埋ENDING之後，用左句GOOD LUCK結束呢日既練習-V-
二月十八日放學果陣時終於要錄音啦，點知去到中段PHOEBE無啦啦笑，
咁我唯有用一個唔同既方式去表達埋佢果個對白啦，急中生智-_-
不過唔緊要，呢個只不過係少少既問題=) 反正Mr. Tsui都話我地Well-Done！
事後先知道原來PHOEBE係見到CRYSTAL笑先至笑，
至於CRYSTAL就見到我同PHOEBE搶咪果個情況，
聯想到獎門人既啜乒乓波遊戲，唉……點解佢可以擁有咁豐富既想像力？
二月十九日，夜晚返到屋企之後舅父佢地兩個上左黎，
佢地今次竟然打廣東牌囉，咁我當然企埋一邊學野啦，嘻嘻！
最後我地就兩點鐘訓，都算早架啦！反正聽朝要去SARA道……
二月廿日，朝早捧著部NOTEBOOK去左SARA道。
點知我唔醒起呢日東區走廊跑馬拉松，
搞到我坐果個小巴係筲箕灣道塞死左，唉！
呢日我地幾個都做左好多野，差唔多起好個定稿啦，好耶。
不枉由朝到晚對住部電腦，頸都梗埋囉，真可憐。
臨走之前先發現PRINT果份STORY-TELLING錯左，
咁我就好心急，不自然咁樣係度跳同DUM地，
跟住SARA無啦啦話：「你做咩學我係度DUM地？」笑死我xdd
呢日佢媽咪仲整左啲蛋糕我地食添喔，真係幾好味！
我仲唔小心咁係SARA間房見到一張紙仔寫住佢全副身家既金額，
嘻嘻！原來我同佢果啲差唔多架炸，都係有一萬四千幾，呵呵。
夜晚就係柴灣JOIN番媽咪同埋爸爸食野，跟住先至返屋企:D
二月廿一日開始，陳詠姿出水痘，至少一個禮拜冇返。
搞到我好似自閉咁樣，無無聊聊，唔知點解有少少掛住佢囉-_-
成個禮拜上既堂好似淡而無味咁樣，個個老師都好似播緊催眠曲咁。
二月廿二日返左小學，同左MISS LO加埋蔡老師傾計，
唔知點解講講下牛奶仔啲事蹟，引起全部人既怒火！
當然都勾起番我地以前既回憶啦，最深刻既就係曾定楠唔旬死打左佢，大快人心。
蔡老師仲話：我絕對唔想打佢，但係我會搵人打佢，真係笑死我。
MISS LO就主要問下我地讀書啲情況啦，同平時差唔多XDD
二月廿四日LUNCHTIME就輪到我地2A班既男仔打班際籃球，
我就正選出場，封左幾個傳球，帶過兩次波，射過兩次，當然唔入。
最好笑既就係我係短短時間已經兩犯-_- 陳冠達仲叫我唔洗咁搏xdd
當MICHAEL同RAYMOND未落場，我地已經LEAD緊人地幾分，
主要原因就係EDMOND同ALEX係幸運之神眷顧下射入兩個三分波。
最後我地都算係炒贏對手1B班。唉！最衰上年既1A三劍俠拆夥……
放左學去打波，我就試下用教練幫我拉番果塊球拍啦，搞到好似上左身咁樣，
單打怒炒挑戰者，打左大約八場都係輸兩場；雙打拍盧諾希打左四場，輸一場炸=)
二月廿六日為隆重而恐怖既家長日，
我地三個坐係陳老師面前，攞左份成績表，
望到自己全班考十一，全級考廿二，其實都唔錯啦！
始終呢個名次比上次已經高左唔少啊。
但係再睇多幾眼，我自律、勤奮同整潔三項得B……
我媽咪即刻問點解CLEANLINESS咁樣，
陳老師竟然話男仔係呢項攞B已經好好架啦，性格歧視？
佢再加多句，咁先至有進步空間！邊個話攞A冇得進步。
咁點解要比個第一名DEXTER，比第二名先有進步空間嘛xd
佢仲話我好有責任，好勤力，英文好，但係中文差！
離開學校果陣時望到各科既排名，雖然V.A.`C.I.T.`I.H.都榜上有名，
但一望到英文我輸比VERA足足三分；DEXTER一分，就真係食龍肉都冇味。
坦白講，我真係好唔開心，加上個CLEANLINESS咁樣，好想喊-_-
晏啲周圍打探其他同學既操行，發現原來係亂咁比，所以個心情終於平伏左少少！
二月廿七日，有大半日都留左係中西區做考察。
呢日朝早PHOEBE因為要係士美菲路打波，
所以我同SARA就一齊去左香港大學等佢啦！
其實咁樣係我眼中都算係一個DATE，所以我好怕遲到。
當我去到中環地鐵站，都係10:55，比預定早左五分鐘，唔錯＝)
之後就打左個電話比佢，原來佢仲係金鐘炸，哇哈哈！
過左冇幾耐，佢終於出現啦，根據我既承諾，要比番少少車錢佢xdd
我地兩個離開地鐵站後，係條人來人往既街道行走，個感覺好特別。
坦白講今次可以話係我第一次單獨同個女仔行「街」，
去到小巴站果陣時，我特登比佢上先，睇下佢坐單邊位定係點樣，
結果……哇哈哈！我地講番家長日同派米既野，有講有笑咁，好SWEET！
快樂不知時日過。落左車之後，我地仍然係左右咁樣行，沿著條山路行番去西閘，
我真係好有衝動想捉住拖隻手囉！唔知三月一日我同佢表白之後會有咩感覺呢？
係我地等緊PHOEBE黎果陣時，我地兩個繼續講是非，無所不談咁，真係好開心:D
呢日個天氣好熱，搞到SARA係我同PHOEBE錄緊港大果陣時不停嘈，哇哈哈！
係呢度逗留左一個鐘之後，就沿住般咸道行，經過一間漢堡包店就坐低食野xdd
唔知點解呢餐特別豪咁樣，我用左四十八蚊去食個COMBO -_-
之後係高街鬼屋影番啲樓梯，就一步步咁行番去上環JOIN番陳卓裕。
去到中區警署，我地要陳卓裕扮受訪者啦，佢個TONE係正到爆，笑死我同SARA，
佢跟住仲係七仔買左幾杯雪糕，請我食左一杯，真係多謝晒，消暑好方法，
最後我地係中區警署同石板街影左張唔齊人既團體照之後就散左啦。 |
