趁我既記憶仲未自動刪除，都係快手打番篇野先。
十二月廿二日係二甲班聖誕PARTY既日子，
十點鐘就已經返到去班房啦，ALEX同YOYO都好早，我地幾個首先搬檯啦！
其後SARA同CRYSTAL都返埋，佢地兩個就整啲歌同埋包埋啲禮物，
至於RICKY就乜都要幫手，真係好忙囉！
話說前一晚我突然醒起要送番張聖誕卡比陳老師，
我就好突然咁叫VANNESS係呢朝去JUSCO買埋先返黎，真係麻煩晒。
佢同CHERRY就即刻係張卡道寫左MERRY CHRISTMAS同下款啦，
跟住再比各位同學簽名，效率果然唔錯，嘻嘻！
陳老師就大約十點半返到黎，話預備左兩份禮物比我地抽獎，太好啦，
佢仲準備左啲朱古力同埋螢光筆比我地添，多謝晒。
十一點正，個PARTY正式開始，大快活既野食都已經送左黎啦；
而ALEX`YOYO同埋KEVIN都安全咁將PHD PIZZA攞番黎，辛苦晒。
奈何啲野食黎到果陣時，我地全個班會都要幫手開箱同擺野，
而班同學就好興奮咁傾計，交換聖誕卡。果然係好強烈既對比，哈哈！
呢日個流程主要係由班會既康樂RICKY去做主持既……我都係行埋一邊好啲。
食野果陣時就同RICKY`ALEX`BRIAN`SARA`CRYSTAL同陳老師一檯，
大快活啲野食還可以啦，PIZZA仲係脆既，但改變唔到既事實就係食剩。
食完野之後就諗住懲罰下啲遲到既同學啦，點知有點兒「那個」。
之後就正式開始玩遊戲啦，理所當然就係要分組啦。
因為某啲「特定原因」，我地要人手分組，個準則就係要 “ABCDE MIX”！
奈何佢地分組有少少唔協調既感覺，分左好耐都仲未企好，唉……
第一個遊戲就係開口中啦，話說起初都冇咩特別既，
但話說企係電腦側旁既我突然禁錯左個制，就冇左全螢幕，仲比晒啲數字人地睇-v-
結果RICKY就罰我玩TRUE OR DARE啦！……點解會咁樣架？
我最尾簡左TRUE啦。坦白講，DARE通常冇好野，所以我打死都簡TRUE。
換黎既就係ICY既一條問題：你鍾唔鍾意英文字母係R開頭既人？
我聽到之後就用左個比較凌厲少少既眼光望住佢，
再強調問佢一次，係LIKE，而唔係LOVE……我躊躇左一陣之後，答左「鍾意」，唉！
話說開口中輸左果陣有全組懲罰啦，但係好多都唔合作，勁唔投入咁囉，唉！
第二個遊戲就係大電視，呢個遊戲比想像中仲要成功，比我既感覺就係開始INVOLVE。
每一組都好好利用左果三分鐘，講得出好多我地精心而設既詞語。
當中有啲係「午夜屠夫」同「變態」既字啦，佢地一聽到就話：「利天恩呀」，笑死我！
當然有啲同學答埋既野都係好無離頭既xD
最尾果個遊戲就係所謂既搶禮物，同樣地都係比想像上成功既。
呢個類似AMAZING RACE既遊戲搞到好多同學都流晒汗，
最搞笑既一個任務就係要好無謂咁抄Design and Technology三十次囉-v-
不過最深刻既就係第一組既HENRY比一條題目整死左：
列出中國四大名著及其作者 搞到佢要走黎走去，損失左成十分鐘，哈哈！
最尾就係抽獎既時候啦，我地最尾就決定抽兩位同學出黎用口不對心決勝負，
贏左果個就有份禮物，而輸左果個就淨係得條TIME OUT，哇哈哈，差好遠。
我呢日先至發現我地班有位神手囉，INGA竟然抽到EMILY對OSCAR，強呀！
佢地兩個仲要係大家面前唔願停咁樣，明明OSCAR輸左架啦………
最無奈既就係EMILY之後抽番我要對陳老師囉，唉！不過陳老師一開始就輸左。
係呢一個時候，我突然發現我即將得到果份野係大富翁DEAL囉-v- 屋企一早有啦。
最尾我地就係課室清理番啲野啦，執番乾淨之後就散左啦！
第一次同2A班既同學GATHERING，其實都唔錯丫，起碼都有投入過去玩先啦。
|
