十二月十六日，呢個禮拜最尾一個工作天。

朝早起身果陣時，望左個電視機，市區得果八度，痴線！

我唯有著件sweater同埋件長褸啦，嘻嘻，咁樣的確暖番少少。

其實呢日都冇咩特別，不過我突然諗起上數學堂既野：

話說佢宜家已經冇開學咁COOL啦，不過講書仍然幾悶，

好多時佢問我地野，但係成班都冇晒反應，佢就自己係道笑。

跟住佢每個星期都慣性走音，好嚴重果隻，笑鬼死我啦！

上I.S.堂之前，大家都企左係走廊吹風，凍到爆炸！

有啲就瑟縮一角；有啲就攞條頸巾包住塊面；有啲就若無其事咁-v-

呢日放左學之後就去左1a課室開會，傾埋PARTY啲野，

點知有少少HEA咁樣搞到五點鐘果陣時，Miss Wong就趕我地走，

Miss Ip見到我地就問：「傾好晒架啦？」「未架，差啲咁樣」「係咪比人趕呀？」

我地答左係之後，Miss Ip又問：「仲要傾幾耐呀？」「應該六點前走得。」

嘻嘻，佢就叫我去同Miss Wong講話佢負責，比我地留多一陣，成功啦！

最後Miss Ip仲叮囑我地Make good use of your time.

唉！永遠就係咁樣架啦，唔趕都諗唔到野既。

五點半果陣時，我地已經諗晒啲細節，得番最後一樣野未傾姐。

天色都好暗，我坐左係張檯道，隻腳Fing下Fing下咁，

我同佢地講：我成日都好似望到出面有野咁飛過。

哈哈，因為我地可能個個都心虛，JOJO就攞件褸蓋住自己啦，

而我地兩個、CRYSTAL同埋RAYMOND就望左個電腦。

突然之間，JOJO係道叫，CRYSTAL同SARA又跟住叫，

我望一望出面見到有個人又係道叫；RAYMOND就比我地嚇窒左。

之後我地不停係道叫，真係好似撞鬼咁樣囉-v-

冷靜左之後就當然知道果個係Miss Ip啦，佢就問：我真係咁得人驚咩？

佢跟住就係道問：有咩好叫？你睇下RAYMOND幾擔定……哈哈！

最後我地briefly同佢解釋果日個rundown之後就走左啦，唉！咁又六點鐘。

十二月十七日，返到學校放低左啲野之後，就係TUCK SHOP等召集……

話說呢兩個鐘既REHEARSAL都好無聊，不停望住人地上台攞獎，

而我地一大班可以話係無謂既人就只不過要係果90分鐘入面企9秒，哈哈！

坦白講，我冇野好講囉-v- 我完全唔明我地係道做乜，係屋企玩好過。

中段就有個小休啦，MICHAEL就好豪咁請我地食野，多謝晒！

之後我地上返禮堂果陣時，個座位完全唔同晒，

隔離係SERENA同一個男仔，根本就唔熟，悶上加悶，真陰公。

我地兩個鐘返到上去禮堂，受住冷風既折磨咁聽BAND奏樂。

話說最後我頸都長埋，愈黎愈眼訓；三點鐘啲嘉賓差唔多到齊，

突然之間，我見到Mr. Lam好有型咁行左入黎，都幾掛住佢喔……

隨即兩位司儀Miss Fong同陳老師都宣佈典禮正式開始，再請主禮嘉賓進場啦！

嘻嘻！Miss Ip著住件袍，好「的色」咁行前排，個樣好搞笑囉-v-

佢再率領住一班PANELS上台，同時間BAND奏前奏，好有氣勢呀。

之後就到佢地奏國歌，點知序樂果陣時，有個音走晒……

值得一提既就係港大校長徐教授份speech長達十幾分鐘，好「強」！

最興奮既就係知道原來Mrs. Cheung教左十年；Mrs. Cheng廿年；

Mr. Wong WK有廿五年；而Dr. Wong又有三十年啦，太勁啦=)

呀，我有樣野好好奇既就係Miss Ip同Miss Leung既年資又係幾多......

四點半鐘就散左啦，好極速咁樣返左屋企，嘻嘻！

最慘既就係我本身鼻敏感底，再加上禮堂咁凍，傷風又係時候黎搵我……

夜晚果陣時舅父上左黎，我地兩個當然爭取時間打機啦，嘻嘻。

最後就約一點十五分訓左啦，話晒第二朝七點鐘就要起身起錨啦，哇哈哈。

十二月十四日，一開始P.E.堂果陣時，

Mr. Hung問我地想呢堂考GYMNASTICS定下堂先考，

我地全部都異口同聲話下堂啦。跟住佢又話：

如果今堂考得晒，下堂比你地ORGANISE 三個GAMES呢？

哈！呢個世界真係好現實架。話說我側手翻有啲問題，得5.5/8；

而Half-head stand就變成另一個處境，7/7，嘻嘻！滿分呀。

英文堂就派番份Practice Paper，哇哈哈！其實都唔錯架，

我同JACKY如無意外都應該以67/80再一次贏左DEXTER。

嗯！下次考試都要努力，唔可以再不停錯CARELESS MISTAKES。

Mr. Li呢日EARLY LEAVE，又係Mr. Cheung黎代堂，我地成班都搞搞陣，

跟住RAYMOND、我、JACKY、BRIAN、SARA同CRYSTAL坐埋一張檯，

成日係道講笑料，想唔笑都唔得啦，哇哈哈！

點知第二節就變左做陳老師代堂，咁個情況即刻變晒……SILENT

返左學去左HALL道，我一開始仲以為係REHEARSAL，點知只不過係一個好廢既BRIEFING。

簡直係道浪費我啲時間，早知係咁就帶拍同TEAM衫去打波啦……

十二月十五日，話說朝早都係好早返到學校練多次個concert，

嘻嘻，真係好期待。最重要既就係唔想白費之前用左咁多時間去練習。

第二個小息我地六個就去左音樂室SET左啲場地效果先啦，哈哈。

好啦，終於開始啦！我同RICKY留左係STOREROOM道，

我一聽到SARA播左段Microsoft Error之後，就比平時大聲左好多咁叫左句

GROUP FIVE, SHOW TIME.講完就即刻開左道門比RICKY出去吹「喇叭」，哈哈！

之後我講埋句WELCOME MCs就出左去啦，嘻嘻！

第一個節目就係RICKY既SHOW OFF時刻，左手彈琴、右手吹小號。

佢真係好犀利囉，首曲又係自己作既，表演又毫無瑕疵，為CONCERT打好左個序幕；

第二個節目就係SARA既PIANO SOLO，其實都應該冇人聽得出彈左一、兩個音架啦！

之後RICKY就彈左段過場音樂──夢中的婚禮，等RAYMOND有時間搬櫈。

嘻嘻，佢彈既呢首歌擺明係要串下人咁啦，呢個建議的確唔錯唔錯。

跟住就輪到我同RICKY四手聯彈啦，唉！開段有個位炒炒地，不過之後都好成功，還可以啦！

最尾Group Singing個效果其實都好好，起碼夠聲先啦xD

總括黎講，呢日既演出好開心；好好玩同埋好成功！

最重要既就係PPT冇技術上既問題；而RAYMOND做MC既發揮比練習好=)

而Miss Chui就問我點解最後SINGING要多個琴伴奏，我就話係有effects，

點知RAYMOND係側邊就話：因為有人唔想唱囉，笑死我。

我地表演完之後，就輪到VANNESS果組啦，哈哈！

佢地其實都練左幾耐，有時仲要同我地分開時段用音樂室。

坦白講我覺得佢地組既PERFORMANCE都好多元化囉。

首先佢地就用唱歌去做OPENING，MICHELLE去伴奏，但始終首歌短左少少。

JANET結他真係細聲左少少；CHRISTINE拉小提琴都唔錯哇∼

EMILY用琴同佢地兩個CROSSOVER都冇咩問題，

跟住佢地就唱Fly Away，雖然把聲唔太響，但總括黎講都好好聽。

佢地仲好配合個TIMING咁唱Santa Claus is coming to down收尾，正呀！

除此之外，佢地仲派左堆螢光棒比我地，將個氣氛推到勁點。

奈何事後係要比番晒啲棒佢地囉，唉！So Sad……

至於兩位司儀LORETTA同VANNESS都做得幾好，嘻嘻！

話說我地比得最高分既就係呢組，哈哈！好多都係五分添喔xD

兩組表演晒之後，Miss Chui就讚我地兩組既PREPARATION都做得好好，

仲話我地果組雖然有幾首古典音樂，但一啲都唔長，所以觀眾唔會太悶。

嘻嘻！佢睇左個四手譜之後，仲話年尾既Distinguished Perform.可能搵我地兩個添哇！

之後我地睇番晒啲Mark Sheet，發現DEXTER又係比得好低分，

仲話我地對首歌同埋作家既簡介唔夠豐富喎-v- 哈哈！真係好有趣。

至於我都要多謝ALEX，JASMINE同VANNESS果幾組比得我地好高分，多謝晒。

呀，差啲唔記得左添呀。擺番少少上次食自助餐啲相先，嘻嘻！