哇哈哈，我要一口氣打埋呢個禮拜既野至得！

十二月五日好早就出左旺角，JOIN埋JOJO同PHOEBE就開始買野啦。

坦白講，我都好耐冇黎MK，我諗至少都有大半年啦……路癡咁:D

為左兩個咁重要既PARTY，我地奉獻左好重要既星期日，哈哈！

一開始就行左去旺角中心同新之城，同預料一樣：一間都未開。

唉！都十一點幾啦，唔係做生意既-.- 我地最後行左去朗豪坊。

行左街超級市場之後，終於買到首樣禮物，

至於係乜野呢，當然唔方便透露啦，嘻嘻！買到第一樣野真係好有滿足感。

跟住我地三個就去左FOOD COURT食左PEPPER LUNCH，好味喔！

我要強調一次：係三十八蚊炸，唔係六十八呀，哇哈哈哈哈！

好珍惜時間既我地就一路食；一路傾，理所當然係冇咩結論……唉！

食完再穿插地鐵站啲隧道，再分別行左西洋菜街，冇咩特別。

之後係通菜街買左好多樣野，某東西都係十五蚊炸，真係抵到爛呀！

另外再買左一樣東西，原價$39比我殺到$30，好強呀。

至於兆萬中心都有好多鋪頭，不過大部分都係格仔鋪。

可能係我地要求高既問題，簡黎簡去都係得過幾份，唉！

過左一陣，我地再JOIN埋RAYMOND，繼續旅程。

呢個成日「冷」街既仁兄帶我地行左信和同埋其他商場，

結果用左唔洗$100買左兩樣野，好興奮呀！

其實我地行緊果陣時，見到好多得意野，

只不過有啲就唔合乎我地既要求，又或者價錢太貴啦！

以啲迷你拼圖為例丫，比我地原定既BUDGET高左啲囉，唉。

跟住我地係McDonald’s坐低左，食左少少野同休息左陣。

臨離開旺角之前仲買左個要買完個好得意既物體xD

總括而言，呢日既收穫都算唔錯啦，嘻嘻！不過距離「完全搞店」仲差好遠。

夜晚係屋企睇台慶，義海今年又玩晒，男女主、配角都攞晒，勁！

奈何押韻押到叫救命既公主嫁到冇咩大獎炸，唉！

期待著啲PARTIES，哈哈！各位HELPERS，大家都要努力哇。

首先要講既就係，我決定用番口語啦！

始終之前用書面果兩篇野個感覺都係好怪好怪。

十二月四日，晨輝同樂日，朝早返左學校做義工，

點好名之後我地就試玩下啲遊戲先啦，

其實未又係音樂傳球；大風吹呢啲野囉，冇所謂啦！

十點正，班晨輝同學終於黎到啦，

我同RAYMOND一組，對一個成十六歲既高同學。

坦白講你淨係睇佢個樣，係唔會知道佢有少少問題=)

話說佢大風吹走得好快，我地三個未輸過哇，哈哈！

之後我地開始玩集體遊戲，咁樣就要分組啦！

人肉呼拉圈果陣時DEXTER同PHOEBE企埋一齊，

前者仲要捉住後者既衫袖呀，真係好有趣呀！

我地見到咁樣，都忍唔住笑佢。點知佢出絕招──怒視-v-

然後有攤位遊戲，黃社既葉嘉麟無啦啦係度問所謂既IQ題，

其實佢果堆題目全部都廢廢地，真係極之無聊。

晏咒果餐就食左好多野，有意粉、春卷、炒飯、啫喱、沙律……正呀！

食完野之後我地仲同高同學傾左少少計，了解左佢多少少，

佢對答其實真係冇咩問題囉，講真我覺得佢可能淨係有「讀寫障礙」。

之後就有球類活動，高同學咬住枝珍寶珠，著住件JACKET，

攞左個籃球，個樣都有少少串，過左冇幾耐，射入左個三分波……

高同學仲話：「贏一次比賽根本就冇難度」，簡直笑死我地:P

而我同RAYMOND加埋Mr. CHAN同其他人又打左陣排球，嘻嘻！

打打下葉嘉麟將個咪比左個晨輝同學，雖然佢講野好唔清楚，

但係佢可以將好多首歌一字不漏咁唱番晒出黎，好勁喔！

最後我地全體影左張相之後就散左啦，之後去左McDonald食野。

講真果句，佢地好多都好醒架囉。初頭其實都好緊張，之後都冇事啦！

更可況高同學既情況好普通，有自顧既能力，唔洗點幫，同佢玩都幾開心喔。