十一月廿三日，病完之後第一日返學！
其實我覺得自己今次好好彩，可以RECOVER得咁快。
最值得高興既就係：呢日我完全冇睡意呀，成日都好精神。
朝早就約左大家係TUCK SHOP練下果個英文故事，
P.E.果陣時，我自己係道猶豫緊好唔好跑果個九分鐘耐力……
結果我都係為左唔想咁麻煩補考而企出左條跑道xD
果九個鐘都算好漫長啦，不在狀態既我跑左三分鐘已經好攰，
不過好彩最後都KEEP住每30秒跑完一個圈。
最後就如我自己所料，九分鐘十八個圈，攞到好珍貴既三分喔。
唯一可惜既就係最尾果十秒爆唔起；最後果兩分鐘條氣開始好扯，唉！
慶幸地有上I.S.堂，因為呢日既活動就係玩牛眼喔。
話說MR. LI講左少少野之後，就問我地有冇人想觸摸一下，
隻牛眼都好大粒，個質感就軟軟地，當然有少少SMELLY啦！
個結構雖然好複雜，但同時都好得意，好多部分都好似啫喱。
放左學之後就留左係課室練左陣個故事，唔錯唔錯。
之後行緊番屋企果陣時，有個講普通話既女人黎問我太平山點去-v-
我好粗略咁話佢知點樣搭車就走左啦，好負責任架啦，嘻嘻！
十一月廿四日，朝早返緊學校練野果陣時，
電腦堂果陣時，我同RAYMOND不停係度笑，原因就係關於啲惡搞相。
Selected area被剷，原本幅圖得番一片白色既部分被加工，例如例如「-v-」既公仔。
中史堂就唔記得帶書，又比人記名啦，唉！我突然間發現開學既中史堂好笑啲…
十一月廿五日，I.H.堂果陣時，CRYSTAL因為某啲原因喊左出黎，
Miss Law見到之後一開始以為係BRIAN啦，
之後佢就指住BRIAN，做左個口形話：係咪你呀？簡直笑鬼死我。
返左學之後，我地五個人就BOOK左1A課室。
一入到去就見到Miss Ip係道同一小班同學講緊唔知乜野。
呢日既總綵排就做左好多野，首先五個圍住黎坐對多次稿，
今次當然要加埋啲抑揚頓挫同面部表情啦。
RAYMOND臨走之前就用埋個POWERPOINT去走位，
呢次只不過有少少對白上既問題，其他都做得好好架！
之後我地再練多次，由於我要做埋RAYMOND既MAGICIAN，
所以好多時我要走黎走去，講完魔術師對白就即刻做番自己，真可愛！
正當我地諗住差唔多走既時候，Miss Ip走左入黎，果陣都已經五點半啦。
因為呢一個原因，我地就好認真咁做一次比佢睇，希望有啲得著啦！
我真係好佩服MISS IP，我覺得佢好勁，好認真，對住我地好有耐性。
首先佢搵到幾個「其他老師」搵唔到既錯處；之後仲比左少少意見！
佢話我把聲已經夠清楚，夠響，唔洗再刻意好PROJECT，
總括而言，講野唔洗太肉緊，放鬆番啲就可以啦！
至於PHOEBE就再SMOOTH啲，SARA要入戲啲， CRYSTAL就要認真啲。
我係呢度要同MISS IP再講聲多謝喔！希望唔會辜負佢既指導啦。
離開學校果陣時個天已經黑晒，好耐未試過咁夜先返屋企啦，哇哈哈！ |
