十月十五日，又係今個禮拜最尾一個工作天。

哈，把聲個tone升番啲，但唔可以大叫，如果唔係即走音。

Visual Arts`成一個鐘留係小食部道畫畫，

但奈何我係畫完又擦，擦完再畫，都係錯，結果得六條線。

坦白講真係好失望，估唔到自己藝術細胞咁低。

莫講話要完成50%丫，我宜家連5%都冇囉，死得！

D.T.`唔知點解SARA打左鐘無啦啦出去攞番啲野，好無聊。

我就好唔小心就「車」左一下，佢就用本書打左我背脊一下，

問我車乜野喎！佢實在太可愛啦，哇哈哈。

對於果個電子琴好有興趣，好有技巧咁就fix死晒啲鍵啦，

跟住就好興奮咁做旱接，反而覺得今日好快落堂。

之後就有兩堂英文堂，由於有幾個同學欠帶功課同要用既書，

佢就開始著火啦！之後請同學出黎教我地讀Phonetic Symbols，

又話佢地個準備做得唔夠，又話教得唔好，不停鬧，

其實我都覺得佢未必要咁嬲咁去鬧一件唔係好重要既事囉，

根本就係佢愈鬧就愈嬲，愈嬲就愈恐怖。我都驚驚地添囉！

晏咒就買左叉燒飯返黎同佢地食，順便傾埋禮拜三去藍屋既野。

飯後既數學堂，派番個QUIZ比我地，好彩12/20，冇炒。

中文堂就默成語，奈何我寫左調山離虎，比人笑到爆-V-

講真寫錯既原因係鑒於我果陣好眼訓，

寫完就趴左係張臺道訓教，的而且確唔係藉口囉！

臨落堂前佢仲要訓話，講好多老師投訴我地上動唔積極，好多野欠。

唉！算吧啦，呢啲兩個禮拜一次既訓話聽完又就架啦。

返左學之後就有野做，六點半先返到屋企。

跟住就用左四十五分鐘做晒星期一要交既功課，

比預期時間快左一倍，真係好開心喔！

我咁趕做晒啲功課係有原因架，聽日去大陸西瞧山玩番兩日，

為旅行而去旅行，輕鬆一下，唔錯丫！

話說聽朝我六點前要起身囉，呵呵！冇所謂啦。

十月十四日，人地返學；我地放假，好耶！

其實一切都係因為呢日係週年運動會補假咁姐……

話說前一晚係facebook見到Matthew Lee同Timothy擺左幼稚園啲相，

睇番自己細個同埋其他同學既樣，真係好得意喔！

之後我又突然興起再搵番幼稚園啲野，再擺左幾張相。

唔只添呀，仲係facebook搵番好多人呀，實在太搞笑啦！

跟住就再打左一陣Winning，成兩點半先至訓，爽呀。

第二日一覺訓醒，突然發現自己把聲係沙到咩咁，

個tone比起平時既低左成三個八度，好嚴重。

一切都只可以怪自己係運動會睇人跑4x400果陣叫得太大聲啦……

奈何叫完之後都冇比把聲好好休息下，好唔錫聲-.-

不過好彩，距離下次亂叫既日子仲有好多日，呵呵！

諗番起尋日社長古柳權同李昊同場較量，跑二百米果陣時，

古柳權去到最尾果60米無啦啦舉起隻食指，做出第一既手勢。

大佬呀，洗唔洗咁樣呀？到時輸左就真係好好笑啦……

原來第一日運動會完左之後，我地黃社係四社入面跑第二，

實在太開心啦！下個禮拜二只要我地再橫掃接力獎項，就如虎添翼。

唉！但係我地丙組4x100接力冇左Gabo同埋Raymond，

始終個期望都減低哂，原因就係我可能要拍住Eric同Ronnie跑……

喂呀，前者跑百米要15秒；後者又要15秒，點樣攞獎呀？

人地RUBY有李俊諾跑14秒；SAPPHIRE有兩個跑13秒幾……

同日晏咒就去左SARA屋企HEA住黎傾英文話劇。

同樣地，首先果一個鐘都係用黎吹水，之後先開始奮鬥。

好諷刺地，原本諗住自己作故事，最尾就用左Aaron其中一個去改-.-

話說呢個fairy tale既情節都好得意，帶出既主題都有好多。

結果我地搞搞陣，最後成七點半先至走，唉！