十月九日，又十一點半先起身，訓左九個鐘都夠啦！

晏咒就去左SARA屋企，諗住傾下音樂會同埋英文話劇啲野。

PHOEBE上到黎之後，就同埋CRYSTAL練下首歌啦。

最好笑既係連SARA個工人都話PHOEBE唱得好細聲。

其實今日都係HEA多過認真做野，不過冇所謂啦！

RAYMOND就成個晏咒都冇出現……算啦算啦。

之後我地四個就落左去吉之島買野食，因為大家都好肚餓。

我就買左五粒炸帶子，好好味；另外果隻薯蓉焗青口，唔好食-V-

返番上去SARA屋企，我地就開始發奮，不停諗個drama既theme。

奈何諗左個半鐘都冇答案。雖然有啲比較好，但係個內容同對白有啲問題。

不過大家既方向都係圍繞住「相處之道」，呵呵！

最後我地七點幾就走左啦，我就用左十五分鐘急速行左去婆婆屋企食飯。

星期一打羽毛球學界；星期三跑學校運動會，好忙喔！

話時話，個八級鋼琴考試成績應該就黎出，宜家真係有啲擔心。

十月八日，的而且確個天氣涼左好多。

啲風吹埋黎都有啲好寒既感覺……

V.A.`落左去小食部道畫畫，仲一定要用Perspectives喎。

但奈何果十五分鐘入面我同RAYMOND都係畫得條Eye-level。

D.T.`仍然係先用下果個畫圖既設計，啲步驟都係好難記；

不過好彩之後就可以開始整個「電子琴」啦，好好玩喔。

跟住就去左搵Mrs. Chung攞住件羽毛球校隊波衫，都OK令既……

晏咒就同MATTHEW LEE去左McDonald’s買外賣之後，

就一支箭咁衝番學校睇班際籃球，真係好好好精彩啊！

原本落後緊幾分既7S班就係尾段發力，最後就反勝啦，好耶。

返到班房Debating Club個主席同我地講話放學開會，但我其實唔得閒。

之後上完Music之後見到個Teacher-In-Charge，諗住同佢講啦，

點知佢就話我地一定要去每年既第一個會議，同埋要影Club photo。

放左學就去影相啦，點知啲人遲到咩咁，成四點先至黎到。

果陣時我真係幾嬲下，明明叫人準時三點四十五分，又話要影相，

宜家都成四點啦，都仲未齊人，離晒譜囉！為左果張相，係咪要咁樣呀？

好啦，終於影左兩張啦。咁我同KEVIN就問可唔可以走先啦，

跟住個Teacher-In-Charge就話 “I am afraid not.”

跟住我就話: “But we have planned what to do after school today.”

“But the notice mentioned that we will have meeting today.”

 “And many of them are coming, you are better to stay here.”

“Can I pass a parent’s letter to you next Monday.”

“I am afraid not.”　“But we really have something to do right now.”

跟住佢就話我地鍾意走就走，再講左句唔知咩野既英文。

我同KEVIN最後就好有性格咁離開左SAC，冇理到佢。

我真係覺得佢好過分，唔係你話留就留，我的確有野做喎。

仲有，邊有人咁做野架？每逢有咩活動都係早幾日通知架啦，

你冇理由係即日通知架喎。你衰衰地都前一日好講定丫，有準備嘛。

另外，我地冇可能Time-to-time咁CHECK住幾時開會，痴線！