十月三日，夜晚就係PIZZABOX外賣自取，
果個至尊批真係好好食，而PHD就有另外既特色。
十月四日，終於開始冬令時間表啦，好慘喔。
周會就舉行左一個問答比賽，冇咩特別，
某中二班既參賽者就依靠自己既幸運去陪跑，哈哈！
中史堂`仍然係充滿住笑點。宜家都講到唐朝啦，好耶。
數學堂就派番個QUIZ比我地。出乎意料地，15/20分，
實在覺得自己做得唔錯……下次要再努力努力。
英文堂就整啲materials用左好多時間，跟住又派左作文比我地，
慶幸地篇野冇比人用紅筆畫到花晒，C+同埋C++……唔錯唔錯！
臨放學之前，Miss Leung就話塊壁報板上面啲字有好多錯誤，
叫我地一定要改過，跟住又話個decorations唔夠-.-
坦白講，佢果個出發點係好既，佢都係想我地個板見得人同埋令啲姐，
但係表達方面我只可以話係STRICT左少少呀！
十月五日，IH堂仍然係Critical Thinking Lesson，
我發覺自己真係好懶，唔想用個腦去solve啲問題囉……
PE`都係比我地high jump, long jump啦，
最無奈就係佢教我地crossover，但我呢個籃球白痴連dribble都未得-V-
之後我就睇左運動會既初組名單，
幸運地我100米同200米都有DEXTER，點都有人包我底；
可憐既就係100米同200米亦都有MICHAEL，可惡。
宜家望就望兩個events都可以次名出線啦，加油啊！
落堂前又跑左十個圈，今次跑完係差唔多死左，攰到冇哂力。
IS堂果個實驗都係好成功， 果然好有滿足感呢！
放左學就去左English Room練首POEM，都係話我唔夠feelings。
之後就返左課室搞左少少壁報啲野，就出左去打波啦。
最不幸既就係果陣時落緊雨，我根本就唔記得帶傘，
所以就決定敲下教員室果道門，就展開左跟住既一段對話：
“May I see Miss Ip?” “What’s the matter?”
“I just want to know if you have got one more umbrella or not.”
“Yes, but it is quite small.”
“It doesn’t matter, I am the only one who uses it.”
“But the pattern on the umbrella ismore suitable for lady.”
“It doesn’t matter, I prefer having an umbrella to getting a cold.”
Miss Ip比左把傘我之後，我就話“Thank you Miss Ip, I will return it to you tommorrow.”
“OF COURSE YOU HAVE TO.” 我笑笑口，講左句bye就沖左去運動場啦！
呢日打左兩場單打，輸左一場；另外果三局雙打都輸晒，so sad！
十月六日`English, CIT, Music都係冇咩特別。
中文堂就不停咁樣對答案，好似好耐冇開新一課教咁……
晏咒就係tuck shop道食左碗野，一啲都唔好食。
之後Music Club有Concert，我同RICKY就去左幫手，哇哈哈！
之後果兩堂數學堂就好似受罪咁樣，都未試過咁眼訓。
Mr. Cheung已經講得有啲悶，加上飯氣攻心；同我自己唔夠訓，
個魂魄都已經返左屋企訓教啦！好彩佢最後比左七分鐘break我地。
平時我地上數已經算係好靜，但今日似乎比平時既再靜，好恐怖。
我周圍望下，好多人都已經處於嚴重眼訓既狀態，有啲當然已經訓著左啦-3-
返左學之後就還番把傘比Miss Ip， “Thank you Miss Ip.”
“NO Welcome!” 我聽到呢句之後真係笑左……
十月七日，朝早果個S.A. Election真係好無聊。
有兩個人個參選組別名稱竟然係「冷衫二人組」-.- 白痴！
英文堂就講個Phonetic Symbols，佢要求我地逐個音節去讀……
之後就睇左某班同學表演drama，冇咩特別！有個人仲要係冇表情。
科學堂就用左成堂去抄番啲筆記，之後睇左套ETV，眼訓喔。
晏咒係珍味館用左十五分鐘快速食晏，就返左學校練POEM，有進步！
之後就去左個Announcers Training，我覺得自己開始上手啦，期待。
IH堂就用左一堂去溫習，之後就一直講火山。
放左學之後，我就係課室做功課，其他人就做壁報，
突然之間發現CARMEN同埋IRENE上左黎坐，哈哈！
之後就去左打羽毛球啦，教練宜家又話我可能淨係打單打-.-
今日就打得唔多順手，我想知道點解。之後就打左場好精彩既雙打，
一開始我地兩個落後緊八分，之後就一直追，最尾因為我既失誤就輸22比20。
我為左呢件事都真係有啲好特別既感覺……
下個禮拜一就要去西環同民生打啦，始終冇抱一個太大既期望。
返屋企果陣時，我就係嬲都上頭頂。話說我上左架小巴，
就同個司機講一陣比錢。跟住有盞紅燈啦，咁樣我就拍卡啦。
之後個阿叔就問我：「喂，你未比錢喎！」「我頭先比左啦。」
跟住後面有個男人就同個阿叔講話我比左啦。
點知個司機唔死心，仲叫我拍多一次張卡，跟住我就話：
「如果扣左咁點呀？」「你頭先有拍到既就唔會扣。」
咁我就好唔願意咁嘟多一次啦，冇扣到。我就串佢咁話：「得啦可？」
落車果陣時，我就好嬲咁向架小巴車門發洩，
將隻手好唔覺意咁撞左落去道門到，表示我對佢既不滿。
哈，佢都算唔好彩啦，係我not in mood既時候煩我，未死過！
我最燥既原因就係佢唔信另外一位乘客講既野，始終唔信我比左！
喂！你呢條蛋卷，我係咪連果$4.4都要呃你呀？
返到屋企就媽咪講，佢好似唔明點解我會咁嬲囉，感覺到無助。
跟住夜晚食野果陣時，為另一個問題嘈左兩次，
冇錯，你係想為我好，但係你冇諗過我既感受囉。
|
