九月十一日，夜晚再一次激夜訓，

搞搞下又去到成四點鐘，天都就黎光啦！

九月十三日，中文、普通話、數學中史無咩特別，

出奇地今日中史堂啲笑點比上次少左幾十倍-.-

English`仍然係分組上堂啦，對晒答案，

做左練習之後就開始果個entertaining activity啦，

就係要幫課文入面ge一個市場買廣告。

奈何今日時間唔夠，未輪到我地果組，唔緊要啦，嘻嘻！

晏咒就同左Jojo, Carmen, Irene, Phoebe, Vicky,

Edwin, Brian, Raymond, Freeman加埋Ricky再去左明記食。

講真果句，果碗煎雞拉麵真係唔錯，幾好食！

原本我就睇緊Roald Dahl果Witches囉，

只可惜仲有好多個chapter先至睇晒。

但係Ms.Leung要我地星期三交report，

所以我就由今日起，快快趣趣睇左本Magic Finger去，

哇哈哈，六十三頁炸，唔洗兩日就睇哂啦，加油加油。

鑒於宜家已經開左學啦，工作又會比較繁忙，

我相信原本ge日記將會變成週記……可能係monthly-diary -V-

題外話，星期六問左個annual athletic meet announcer既

STUDENT IN CHARGE，佢話我可以做announcer，

亦可以用運動員ge身份去參加比賽，實在太開心啦！呵呵！

九月十一日，話說尋晚最後係四點半訓教，

哇哈哈！自從開左學之後都未試過咁夜訓啦。

當然啦，今日就又係十二點幾先起身，爽喔！

夜晚又係慣性地落左婆婆屋企食飯啦，

已經滿一歲ge阿妹宜家靠人扶住都行到啦，

成日都講BB話添呀！真係非常得意。

之後係facebook同左今年個女社長傾左陣計，

奈何佢話做Announcer就好似唔可以參加任何比賽。

我聽到之後，即刻呆左囉。

如果我星期一問完話「唔可以參加任何比賽」，

咁我咪又要二選一，真係好煩囉！

我自己又想跑接力同一百米喎，

同時又想試下做啲未做過ge工作，又要去取捨，救命。

Anyway`等我星期一問完先至算啦，自找麻煩-,-

夜啲就幫媽咪打左兩鋪牌，第一鋪出沖；第二鋪輸自摸。

唉，又做左一個名副其實ge敗家仔，哈哈！

呵！已經又一點幾啦，佢地仲開始打左冇幾耐，

我唯有不停咁打Winning啦，嘻嘻！