九月二日，係呢一班開始生活左兩日。
返到上課室，就先收通告，後派校簿。
奈何呢位班主任好有趣咁搞亂哂咁囉，
其實我認為用個人常識係可以分得出FILE同FOLDER，
奈何教中文GE佢係完全唔明白呢一點囉。
冇錯，我唔否認佢係一個友善GE老師，但係……
話說上年葉老師年紀比宜家果位大，但講到轉數問題，唉！
可能係經驗問題啦，佢呢兩日GE錯漏問題同埋應變能力真係好差。
之後，佢就同我地講果本STUDENT MANUEL，
點知佢仲要我地用螢光筆去間低啲守則。
真係冇野好講。因為佢係班主任，所以就要聽佢指示做人……
由於佢本人唔算風趣（咁講野已經好比面啦），
所以聽佢講啲守則真係好眼訓，於是就低頭合眼扮睇。
終於講完STUDENT MANUEL啦，最後就選班會啲委員啦，
康樂就簡左RICKY，因為始終對佢比較熟悉。
去到最尾就簡主席同埋副主席，
話說我本人只係想做副主席姐，但奈何DEXTER同KEVIN又想做，
搞到冇人做主席。於是就投票啦，最高票果兩位就分別成為正、副主席。
奈何我講完段「自我介紹」之後，有廿二個人投我，
比上屆1A班主席KEVIN多五票到啦。至於另外果個就唔需要講啦！
講真丫，主席呢個位好恐怖，有事要咩菲，
做得唔夠好又驚比人係背後講壞話，唉！
最尾就因為KEVIN一句「比啲機會其他同學」將我「屈打成招」。
返左學之後，係一樓撞到黃老師，又傾左一陣，
而我因為笑左一笑，比佢用一段富有文學性GE文章教導一下。
不過講真，聽佢講野真係好開心，永遠唔會悶。
之後就同Carmen, Jojo, Irene, Stacie, Sara, Chloe, Phoebe, Inga,
Jacky, Michael, Raymond, Timothy再一次去左太古個Food Court食晏，
食完就大家圍埋一齊，講番第一日返中學同埋上年上堂GE趣事，
真係好懷念比Miss Ip同黃老師GE日子呢！
食完野之後，Sara就先離隊，而我地又去左冒險樂園，哇哈哈！
睇住昔日GE一甲雙劍俠挽籃球機破唔到記錄，真係有啲可惜。
之後就挽左保齡球，奈何Raymond係用轟炸式咁打出個STRIKE，
最後我地用果廿幾張票換左包旺仔糖，分左黎食，嘻嘻！
後再補同日晏咒果篇，差兩篇未打Orz
|
