因為呢幾日實在冇時間啦，

所以宜家先至可以打番前兩日啲野。

就係因為咁樣，呢篇野啲內容會比其他ge長。

八月十九日，晏咒學完琴之後，去左探阿妹，

佢真係大個左好多，過多幾日就生日啦！

話說我係佢面前正亂個頭同拍手；佢又跟住做，

真係好得意添喔！最突破性ge就係：

平時唔多痴第二個人ge阿妹，

呢日終於可以比我抱住多過一分鐘啦，嘻嘻！

為左要見證呢個重要時刻，特登影左張相。

夜晚就叫Pizzahut，食左個芝加哥同千島漿，

奈何我始終覺得PHD果個香芒凱撒雞肉批好味啲！

八月二十日，晏咒練完琴冇幾耐，

舅父上左黎，又係打Winning嘅時候！

夜晚就先睇左傳說喊到爆ge《唐山大地震》，

我仲以為大部分都係講地震添，點知只係震左半個鐘，

而交代得最多ge就係啲生還者往後啲生活……

但睇到最後，眼淺ge我冇留到一滴眼淚，

始終冇我自己想像中咁震撼，講真係冇咩特別。

睇完《唐山》就睇《槍王之王》，劇情都唔錯，幾緊張，

係中段有幾個地方比較白痴同無聊，另外仲有笑位添！

好對唔住，我地五個人一致認為《槍王》好睇啲。

最後，又係搞到三點先至訓教，呵呵！

八月十八日，距離考琴仲有八日。

話說尋晚打完機之後，去到成三點幾先訓得著……

奈何今朝又要九點鐘起身打波。

做完步法之後，就打左兩場標準單打賽事，

一場就輸比個F.4廿一比十九；

另一場輸比個F.2廿一比十五，可惜可惜。

但話雖如此，我今日終於練成一招「斜線殺球」，太好啦！

不枉我用呢招係F.4手上攞左成五、六分，哈哈哈哈哈哈……

最後教練仲特登安排左個體能特訓比我地，做到我隻腳幾攰。

返到屋企又練左陣琴，但係啲手指又唔聽話，討厭！

晏咒就出左去學琴，出奇地首快到咩咁ge “C” 彈得幾好……

雖然彈 “A” 同 “B” 果陣比較硬，唔夠鬆，但起碼有進步嘛。

呢幾樣野都算係推動我更加努力ge源頭，加油加油！

夜晚就寫埋果個設計意念啦，USH！終於殲滅哂啲功課啦！

今晚睇下可唔可以早啲抖啦，聽日再要同個琴搏鬥。

選自：http://hk.myblog.yahoo.com/yatcheung_1997/article?mid=4606