話說上幾篇野果個網誌名係「腦部爆炸」，

奈何今日呢一篇係進化到「腦部崩潰」……

八月二日，話說尋晚未眼訓，又熄左電腦，又唔想打機，

所以決定睇下電視播果套Keroro3，

最後睇到三點鐘。哈哈，我真係好有童真喔

今日就冇得再懶床啦，九點鐘就靠鬧鐘叫醒我本人，

因為今朝復操打波啦，好開心呀！

呢兩個鐘都主要係猜高波，做步法同打單打，好正呀！

唔知係咪因為一個禮拜冇打，同埋唔夠訓ge關係，

打完波之後隻腳好攰，幾眼訓下咁啦！

返到屋企沖完涼就練琴，食野，同上MSN啦，

嘩！今日係MSN傾啲激重要ge野，傾到個腦塞哂，

幾乎唔想再唸野，因為實在太太太麻煩啦。

夜晚十點半開始，就繼續寫埋個中文閱讀報告啦，

同樣地都係要用腦，個腦幾乎轉到痴線，救命呀。

最後就用左一個鐘寫哂篇一千零三十幾個字ge「論文」。

實在太開心啦，好興奮喔！宜家啲功課所剩無幾，USH！

宜家係十一點四十五分，決定搵啲野做下啦，做到眼訓為止。

總括黎講，今日個腦好辛苦，唸ideassssssss唸到爆！

其實呢，我唔明白，點知我次次放親假都係咁樣，

一定要用盡自己所有體力，未到就黎死果一刻都唔訓教？

八月一日，象徵住暑假快將完結，新學期到臨。

尋晚係婆婆道食飯，跟住再同舅父打機，

結果去到夜晚三點半先訓教，我唔想架……

今日就晏咒十二點幾先起身，跟住去左北角同姑媽飲茶。

飲完就去商務睇下有冇英文L.E.同埋Vocabulary Building，

點知淨係得Longman Elect 2A，所以就冇買到啦……

之後落左太古睇電話，再去左吉之島行下咁啦！

夜晚果餐好簡單，就係McDonald啦！

話說我地張台附近有個男人係精神上有問題架，

簡單啲黎講姐係有精神病……佢攞左支水樽企係道Fing黎Fing去，

都真係幾危險下，再不停同啲坐佢「對面」ge「朋友」傾計。

後尾我都冇咩點理佢啦，最值得一提就係McCafe件Cake好好食。

跟住上左巴士返屋企，回程途中，有個核特女人坐我附近，

佢完全係當我地成車人逶明，佢撩完啲鼻垢再攡隻手指彈黎彈去，

好彩最後都係彈番落去自己道姐，幸好我地冇中槍。

最唔衛生就係佢用果隻撩完鼻垢ge手去撥頭髮…Oh, my gosh!

I just wonder if she has ever put her dirty hand(s) into her mouth……

哈哈，返到屋企就練琴啦，好唔開心就係隻右手唔多合作，硬到爆，

要不停搵啲Chord、Scale等等ge東西去鬆馳一下堆手指。

夜晚就為個中文閱讀報告寫左個大鋼，因為咁樣會寫得較有組織。

現在報時：一時正，仍然無所事事咁樣，都係未訓得著……

而聽朝終於復操打波啦，我要確保自己唔可以再整親啲腰。

選自：http://hk.myblog.yahoo.com/yatcheung_1997/article?mid=4441