七月廿三日，一個好充實ge星期五，

先講番尋晚，聽晚間新聞果陣時，

話錄到小西灣有一個水龍倦，好似好得意喎！

由於一點鐘都仲未眼訓，所以決定睇Matilda，結果睇到三點。

去到今朝十一點半比人叫醒左，出奇地唔覺得好攰。

之後就開左電腦無無聊聊咁周圍禁下，

食完晏咒果餐之後就又彈左個幾鐘琴，唉！好辛苦。

之後就將本中文K.O.左六分之五啦，

除左模擬試卷ge寫作、聆聽、視聽之外，其他都……哈哈！

過左一陣，舅父就上左黎，當然就同佢打機啦，嘻嘻！

夜晚食完飯之後，佢地又開局啦。

而我就坐埋一邊睇下咁啦，一時又上下網。

再聽下音樂同埋食下Junk Food，好開心呀！

我成日都同自己講：「早啲訓早啲起身啦」，

但係好到已經都未能夠實現，唉！好慘喔。

最諷刺就係聽朝要幾早起身，但宜家一點幾我都仲係打緊BLOG……

七月廿二日，一個落雨落到爆ge星期四。

話說尋晚十二點幾開始訓，一訓就訓得著啦！

由於要養足精神，所以今日訓到十二點幾，嘻嘻！

今日起身果陣時都只不過係一號風球，

再加上個天都好多白雲，冇似落雨，所以就冇帶雨傘。

之後學完琴，等車返屋企果陣時見到出面落好大雨，

我兩手空空咁，唔係掛！不過好彩，好快就有車啦！

同樣好好彩，落車之後都冇咩雨，但係一番到屋企，

出面就傾盆大雨，又大風，又行雷，再閃電，好激呀！

跟住見冇咩野做，就開MSN搵人傾下計，

結果就一路做中文作業；一路傾，

最後無休止地傾左成兩個鐘，拍手讚勁啦！

話說過左一陣，天文台就掛左黑色暴雨，好勁呀！

七點幾到，終於見到雲同埋一個比較CLEAR架天，

都幾開心架，因為我終於可以重見天日lu……