事先聲明，今日呢篇《八月十六日》會比較長。
話說尋晚打完BLOG就上左facebook，
睇到有個post，講果個四眼河童陰公男。
呢條友靠住佢句「搭巴士真陰公」而一日成名，
樣衰唔再講，仲要冇家講，惡人先告狀，係條街亂放粗口，
簡直不知所謂，影衰香港人，引起公憤添喔！
仲有呀，Facebook有很多人留言鬧這個茂利，
再做左啲合成相同埋作左啲詩添呀，好有創意，笑死我。
今朝起身果陣時，簡直係行屍走肉咁，由於尋晚就成三點先訓，
所以我又連續兩日唔夠訓啦，之後就去左打波，
我就同個F.4同兩個F.2打左七場單打，輸兩場炸！
其中有一場仲好激烈添，呢一球總共猜左幾十板，
我見有個高波，就唸住殺落去，
點知就貼住個網頂過，點知對面個F.2又挑番個波果黎，
跟住我就連殺三球「埋身波」，點知都係徒勞無功，
最後仲要比人殺番轉頭，死左！失望。
好彩另外果幾場都贏人11比6-8分，挽回啲面子！
打完波就去左攞部新電話：Nokia C5，
終於唔洗再用果部會自動熄機ge電話啦！
返到屋企練左陣琴，奈何個精神問題影響到隻手，彈得唔多好。
跟住就由於部電話有少少問題，就打左去唔同ge查詢服務熱線道問，
點知我一講完「你好」，果啲staff就問我：「小姐，你貴姓呀？」
我呆左一陣，可能我講電話把聲係經過特別處理……
於是我就話佢知：「我姓陳架，不過係先生。」唉！
好啦，趁宜家未眼訓，當然就打陣Winning Eleven先啦，USH！
|
