八月三日，心情唔多好ge一個禮拜三。

尋晚同樣都係一點半訓教，今日又九點起身，

原因就係要去打波。今日又黎左次「地嶽式訓練」，

先接教練啲放網、高波同埋殺波，跟住跳五十下「雙飛」，

再打單打。但如果單打一輸波，又要跳五十下「雙飛」。

之後就做類似掌上壓（心口向上的掌下壓）ge體能訓練，

同樣又係坐底做五十下啦。最後再踎住黎行十分鐘。

離開運動場果陣時，慶幸自己仲有機會行得走得……

嘻嘻，聽晚六至七又有場打啦，實在太好啦！

返到屋企，沖完涼就練琴，彈得幾好架。

奈何跟住學琴果陣時彈就差好遠，唔知係咩野問題……

見到自己彈到咁，真係好失望，冇野好講。

學完琴就繼續上MSN啦，傾左一陣，思緒混亂，所以就選擇打機。

夜晚媽咪返工之後，買PHD返黎食，

果個唔知咩「芒乜海撒薄餅」真係好好食，

碗粟米湯同埋啲蜜汁燒雞翼都好好味，下次再要去「幫襯」。

話雖PHD係Pizzahut子公司姐，但係我覺得PHD啲野食仲好食。

八月三日，距離開學仲有大約四個禮拜，

宜家係屋企真係幾悶，好想快啲番學。

尋晚打完BLOG之後就一直打機，打到兩點。

跟住就睇左陣 “Who moved my cheese” 同埋聽歌，

話說呢本英文書真係好悶，睇左陣已經打左幾個喊爐，

睇左一個Chapter之後都已然三點啦，結果好快訓著。

今日又十二點幾先捨得起身，都唔知啲人可以咁早彈起身！

話說起身之後發現一樣好重要ge野，就係：

尋日打完波做唔夠Cool-down，所有我啲肌肉硬哂，

個背脊、小腿、手腎全部都無一幸免，救命呀！

跟住食完飯之後就開始練琴啦，但係越彈越燥，

啲手指都唔知咩事，好「黏」，成日禁錯隔離個key，

我真係好想斬哂啲手指，結果練左一個鐘到就收琴-.-

跟住就再做下本暑期作業，寫左篇應用文，剩番三篇炸！