八月三十一日，距離新學年仲有一日。

話說尋晚又成兩點先至訓，今日就當然十二點先起身啦，

我好健康架，每日都訓好多，只不過係夜訓同晏起身之嘛！

今日晏咒打打下Winning，發現未包書。

不過唔緊要啦，星期五前做好都得啦。

夜啲就用左成兩個鐘去執令自己間房，

首先就係將所有野放哂係地下，

但奈何見到已經好唔耐煩，又亂喎，幾乎發脾氣。

不過最後憑著意志，終於執到好整齊，好有滿足感。

話說尋日打波果陣時，鍾太走過黎同我地UPDATE分班啲野，

我講完自己升去A班果陣時，我就問：「係咪你教數學呀？」

跟住佢就口快快咁講：「你又知？」我個心即時冇左知覺……

個MSN仲係陷入嚴重狀態，始終有人都係見唔到我上線。

八月三十日，仲有一日就返學啦，好開心喔！

話說尋晚又失眠，兩點幾先訓得著，

奈何今朝要九點鐘起身，好眼訓，救命。

去到球場，做左陣熱身，打左陣，就去左沖涼。

隨後就出左北角同班幼稚園同學飲茶，

話說我地都成一年冇見，有啲冷淡GE感覺，

講野又唔知講啲咩野好，好尷尬囉！

同埋大家啲樣就當然有啲分別啦！

飲完就去左Sammi屋企打Wii，

諷刺地我地挽番最原始GE遊戲──Sports同埋Fit。

唉，部Desktop Computer隻Hard Disk仲未整好，

仍然要禁左部notebook先。唔只咁樣，

我個MSN發神經，有啲人完全睇唔到我係上線中，

真係禍不單行囉！你地有事都照傳MESSAGE比我啦！

後補八月廿七日果篇啦（經密碼保護架，哈哈！）。