九月廿五日，好開心既一個禮拜六。

由於尋晚又兩點鐘先訓，而今朝冇野做。

原本諗住安安樂樂咁訓教啦，點知……

九點半果陣時隔離屋係道鑽牆，

不過好彩我既訓教意識比起身意識強，哈哈！

晏咒就再一次去左SARA屋企，今次真係好認真架！

去到之後就彈下MY LOVE同埋第二啲譜啦，好開心喔！

之後SARA就係房道搞埋啲課室壁報既野同埋做下功課咁樣，

而我就借住佢部電腦用住先，呵呵！

話時話，我終於適應左用佢個CREAMY PIANO啦，好犀利。

大約兩點幾到，CRYSTAL同PHOEBE先後到達，

跟住大家就開始練唱歌啦同埋諗下司儀稿既野囉！

跟住CRYSTAL就食番啲佢上次失去左既野: COOKIES。 

皆因RAYMOND遲起身，同埋要睇醫生，成四點鐘先黎到。

同樣地，佢都係要練唱歌啦，嘻嘻！跟住就再試下RAP。

CRYSTAL走左之後，我地就再整左少少POWERPOINT。

坦白講，今日實在太認真啦，仲好開心添喔！

之後就去左婆婆屋企食飯，阿妹終於有時肯比我抱啦，好有滿足感。

宜家又差唔多兩點啦，慣性地佢地當然仲打緊麻雀啦！

不過冇所謂，反正我做晒所有功課，聽日都係HEA住咁過。

九月廿四日，放假後既上課日。

一如以往，朝早起身都係好攰，好眼訓，救命。

V.A.`由於個老師冇返，所以上少堂，好野！

跟住下個禮拜五又國慶放假，再上少堂，再次好野！

就係因為咁樣，我就又睇左好多頁The Witches，

唉！奈何仲有四分之一未睇晒，真係好慘！

D.T.`仍然係不停用個軟件去畫圖，真係好悶好悶呀。

English`本學年第一次既QUIZ，都係冇咩特別啦，

跟住就同我地講下作文既內容啦。

好諷刺地，佢一開始淨係叫我地搵個商場既資料去作文，

無奈地佢今日突然話要搵啲新既Shopping Centre，

太古城、海港城、時代廣場、新城市廣場一律唔做得。

換言之，我要搵過囉！真係好搞笑，明明冇講過，就話我地做錯左。

晏咒就同Edwin, Ricky, Jacky, Matthew Lee去左McDonalds食，

其實我今個禮拜食剩四十幾蚊呀，YEAH YEAH！好識節約。

中文堂仍然離不開對答案；數學堂離不開不停計數；

總括黎講，我真係唔太鍾意星期五呢啲堂囉！

返到屋企就用左成個半鐘去做功課，

宜家得番十幾條數未計炸，真係太開心啦，加油！

跟住就打左陣Winning，愈打就愈燥，因為球球都撞柱。

練左陣琴，話說我彈完首「少女的祈禱」啦，GREAT！

頭先就挽左幾鋪大富翁DEAL，三鋪嬴兩鋪，好勁呀，哈哈！

宜家又一點鐘啦，睇多陣電視又要訓教啦，早抖早抖。