現在報時：凌晨兩點幾啦，

話說頭先舅父兩個上左黎食飯同打機，

咁宜家佢地四條腳當然圍住張麻雀檯啦（押韻架）。

頭先啲雷比早幾日果啲仲響，真係幾恐怖。

九月九日，朝早又有個早會，

企係果個四面環樓ge操場道出哂汗，唉！

英文堂就冇咩特別，做下聆聽同埋講下本故事書。

之後再一次係果兩堂科學堂搵番啲信心啦，

今次做ge果一個實驗真係好成功，同上一次果個差好遠。

果位Mr.Li仍然搞下氣氛咁，實在太好啦，冇咁悶嘛！

晏咒食飯就同左Edwin, Ricky去左大快活食，

奈何大快活ge價錢係貴過大家樂囉，真係好有趣。

飯後果兩堂IH堂就好輕鬆啦，學緊個topic都唔算難。

話說呢堂係1A班同學挽哂，

我地十八位同學全部都有機會答問題，呵呵！

放左學之後就約埋Ronnie去左杏花村打波，

好幸運地今日打左三場雙打，輸一場炸：

就係輸比同教練對打果一場，好慘喔。

之後單打就輸得比較勁，對高form果班就輸哂，冇陰公呀！

臨走之前，又做左成一分鐘「無影燈」，點解呢排成日做架？

九月十日，仍然係冇咩精神ge星期五。

Visual Arts`老師仍然習慣性咁收佳作同劣作同大家分享，

話說我地班位Martin畫得勁核特，好hea囉！哈！

跟住成堂都係道講eye levels同埋啲角度問題，激眼訓。

諷刺地之後果兩堂ge設計與科技又係不停畫圖，救命呀！

今日呢頭四堂真係上得特別辛苦囉……

之後就係走廊撞到Mrs.Cheng，佢想搵我同Kevin做運動會既announcers，

第一日就企個sportsground做announcement；

第二日就係record-room道歎冷氣。實在太開心啦，我地好快應承左佢。

晏咒就同左Jojo, Irene, Carmen, Sara, Crystal, Phoebe,

Ricky加埋Samson去左「七十一」度叮野食，

我果碗荷葉飯唔係幾好食，好行！之後再買左Jolly飲，正喔！

雖然個quality唔算好，但係起碼夠平先啦，嘻嘻！

Music`聽Ms.Chui講番啲Class Concert既資料，

跟住再唱左Whitney Houston既Greatest Love of all，好聽喔。

最尾果堂中文因為我地自己整笑點炸，如果唔係就眼祿祿啦……

嘩，出面係咁劈，CHIJORSIN呀，係咁轟，

跟住仲見到好多條電擊，幾乎炸爆個窗囉！

九月八日，起身果陣時好辛苦，仍然好攰。

隨後我發現尋日做得太癲，搞到全身筋肉酸痛！

唉，死得啦！我聽日仲點樣去打波呢？

English`仍然係分組上堂，

幾鍾意宜家個老師ge教法，

不過當然多啲好笑野充最好啦，嘻嘻！

臨落堂前，Ms.Leung叫我地預備一下，遲啲做個廣告。

最後就叫左我！當然啦，我就好浮誇咁即興講左幾句對白，好挽！

Chinese`原本個老師要做陪審員，但最後話唔洗，

所以就銷假，終於開始講書啦，我真係等左好耐。

但奈何佢ge笑點始終唔夠黃老師同Ms.Ip咁好。

我成日都係道問自己：上年我地上中、英文堂笑得咁大聲，

唔知隔離班ge同學會唔會聽到架呢？

諷刺地，今年二甲班課室同其他與世隔絕，

唔知係我地好無聊咁上中文堂果陣時，黃老師係咪搞緊笑呢？

而果班同學又係唔係好開心咁笑緊呢？好羨慕囉！

Computer`係一位教化學ge黃老師教，

話說電腦室啲電腦變薄左，擺位唔同左，

睇落好似多左好多空位咁，幾怪！

至於呢個Mr.Wong同上年果個完全唔同，

唔係跟書讀，而係叫我地跟書挽excel，唔錯唔錯。

Music`今日Ms.Chui就講左好多開場白，有啲悶。

跟著又話遲啲係堂道搞個音樂會，於是又要分組。

結果班人就同IH Project果幾個一樣，哈哈！

之後就慣性唱校歌，咁就又叫左我去伴奏。

哈哈，今次只係有啲瑕疵，彈得比較快。

我終於係彈校歌呢一方面搵番啲信心啦！

晏咒果餐就同Ricky, Raymond加Freeman去左大家樂，

真係好抵食同埋食到好飽，結果由果刻開始，我就一直胃痛-.-

Maths`仍然未跟得出呢個咁快ge進度，

再加上飯氣攻心，唔夠訓，超攰，接收能力減弱。

之後去左學琴，話說我已經有一年痭彈過新歌，

所以面對住Sonata同「少女的祈禱」有啲不知所措。

話時話，後者真係好好聽喔，我真係加油彈好呢首歌，USH！

返到屋企就訓左半個鐘，唔多唔少都有啲幫助，訓醒一覺好舒服喔。