八月廿二日，距離考琴仲有四日，

話說尋晚最後成兩點先番到屋企，

跟住就食左杯Cup Noodles，

而果陣時無線就播緊《鬼影》，

好奇心促使我去睇呢套泰國拍ge鬼片。

話時話，都真係有啲恐怖。最驚果部分就係：

個男主角訓緊訓教果陣時，隻「野」揭開佢張被……

值得一提就係，睇睇下果陣就有個旱天雷，

劈完呢一下又開始落大雨啦，又大風喎，哈！

最後就睇到三點鐘先至訓，好彩訓得著姐！

講番今日，我計過數，發現自己今日加加埋埋呢，

就用左成兩個幾鐘去練琴，一個鐘學琴，

真係彈到手指攰哂，好辛苦-.-

唔到考試都唔咁搏，搞錯呀！

夜晚食飯之前，有人話我知我升去2A班，

其實都預左啦，我最擔心都係班主任呢件事。

聽朝就要返學校打波，但奈何打唔到高波，

始終學校個樓底好矮，唔鍾意！

打完波就決定去剪頭髮，因為太長啦，

又唔舒服，加上督眼又督鼻。

話咁快又一點鐘啦，hea多陣就訓啦！早抖。

八月廿一日，今朝十一點就起左身啦！

跟住我照住塊鏡，望住自己果兩隻手臂，

發現個size好唔同，右手比左手粗好多……

點算呀？就算左手舉啞鈴都冇用啦，打波用右手嘛，

哎呀，救命呀，咁樣有啲核特囉！

之後就出左北角同姑媽飲茶，飲完就去驗眼。

最新右眼度數係五百；左眼係四百，每隻眼仲無啦啦多左五十度散光。

唔係吓嘛，咁大件事!? 記住唔好恭喜我。

結果，我唔單只換鏡片，仲換埋個框架，USH！

跟住就去三聯買埋本電腦同埋V.A.2C，真係好貴……

最後就去左婆婆道食飯。宜家而十二點半啦，

同樣地我媽咪，老豆同舅父佢地仲打打緊台灣牌，

今晚當然都唔會早訓架啦，拜拜！

基於Hard Disk壞左，冇得用desktop computer一個禮拜，

有時淨係可以禁下爸爸部notebook，

用所以上MSN既時間少左，有咩事就請打我手提啦！