七月廿八日，落雨落到爆ge一個星期三。
話說尋晚就同媽咪上MyTV睇Big Boys Club，
睇左幾集講「靈異鬼怪」ge內容，
好彩睇完Matilda可以訓得著姐，如果唔係就……
我尋晚先知道原來Matilda有念力架，好勁喔！
今日晏咒就都係練琴同埋上MSN同人CHAT啦，
話說去到三點幾到，出面非常大雨、行雷、閃電，樣樣齊！
而天文台就係一個鐘頭內先後發左黃、紅、黑色暴雨警告訊號。
喂！大佬，我今日出去北角學琴架喎，臨出門口仲整個黑雨比我！
好彩果陣時唔算好大雨姐，如果唔係味唔洗出……
落到街都冇咩行人，就算人都係回家路程中，
諷刺地我唔係……相反係外出路程中，唉！好慘喔。
雖然等左一陣就有車，但係望住出面個天都好灰。
我曾係唔鍾意落雨，尤其是要出街果陣時。
都唔知點解，上次學完返屋企又落，今次出去學又落，
係咪咁岩得咁岩呀？唉，拜託就算聽日落都唔好咁大啦。
之後搭車番緊屋企果陣，個雷仲好響，好激動添囉！
返到屋企都係冇咩野做，都係CHAT下咁啦，
話雖我係唸住寫下個中文閱讀報告ge…
但係出乎意料地個腦一片空白，完全冇idea點開頭同收尾……
夜晚先睇TVB，再睇法網群英，最後再追明珠果套Fringe，正呀！
|
