七月十二日，一個忙到痴線ge星期一。
話說十一號個凌晨時段，我又一直踩到落兩點半，
等睇四年一度世界杯個決賽，由西班牙迎戰荷蘭。
講真果句，我自己睇好西班牙，因為荷蘭再我原本ge愛隊巴西擊敗左。
同以往一樣，我就一路睇波，一路食薯片、花生同蝦條，
令到自己個精神有多一個寄託，唔會咁易眼訓嘛！
雖然成場唯一一個入球去到加時時段先至出現，但係火藥味就好濃。
最經典ge就係荷蘭中場迪莊一隻「穿心腿」，踢左落阿朗素道，
都唔知佢地踢波定係踢心口，都痴線架！砍左佢隻穿心腿就岩啦。
由於「橙人」實在太猛，成場加埋攞左八張黃牌；一張紅牌，哈哈！
結果，恩忍斯達個入球為成場奠定勝局，一比零小勝荷蘭！
鑒於死人有線唔比無線播頒獎典禮，所以就即刻開機上網睇，
話咁快就好到五點半啦，個天慢慢開始光啦，真係好靚呀，所以影左幾多相。
結果，搞搞下去到六點先至肯訓……（好耐都冇試過咁啦！）
晏咒果陣時，就又去左柴灣打波，唉！好無奈咁又整親條腰，
咁唔係辦法喎！都唔知點算好，唯有星期三唔練住先啦，休息一下咁啦！
夜晚就攞左啲預備送比Miss Ip份禮物番屋企整，結果就一點幾先訓……
選自：http://hk.myblog.yahoo.com/yatcheung_1997/article?mid=4360
|
